मुंबई | मालाड येथील मालवणी व्हिलेजच्या प्रभाग क्र. ३२च्या काँग्रेस नगरसेविका के. पी. केणी यांचे जात प्रमाणपत्र मुंबई उच्च न्यायालयाने अवैध ठरवले आहे. काँग्रेस नगरसेविकेचे पद रद्द झाल्यामुळे याच वॉर्ड मधील दुसऱ्या क्रमांकावरील शिवसेना उमेदवार गीता भंडारी यांना नगरसेवक म्हणून आता महापालिका सभागृहात जाता येणार आहे.उच्च न्यायालयाच्या या निर्णयामुळे महापालिकेतील सत्ताधारी शिवसेनेला मोठा दिलासा मिळाला आहे. पालिकेत शिवसेनेचे संख्याबळ एकने वाढून ९५ वर पोहचले आहे.
उच्च न्यायालयाने दिलेल्या निर्यणाची प्रत महापालिका आयुक्त आणि कोकण विभागीय आयुक्तांना देण्यात आली आहे. गेल्यावर्षी पार पडलेल्या महापालिका निवडणुकीत शिवसेनेला ८४ तर भाजपला ८२ जागा मिळाल्या होत्या. शिवसेनेला चार अपक्षांचा पाठिंबा आहे. तर भाजपला एक अपक्ष आणि अखिल भारतीय सेनेच्या गीता गवळी यांचा पाठिंबा आहे. पुढे भांडुप पोटनिवडणुकीतील विजयाने भाजपचे संख्याबळ एकने वाढले, भाजप डोईजड होण्याच्या शक्यतेने शिवसेनेने शेवटी मनसेचे सहा नगरसेवक आपल्या बाजूला वळवले. त्यामुळे शिवसेनेचे संख्याबळ ९४ वर पोहोचले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
