नवी दिल्ली | काँग्रेसचा बालेकिल्ला म्हणून ओळखले जाणारे मिझोराममध्ये मिझो नॅशनल फ्रंट(एमएनएफ)ची सत्ता स्थापन होण्याची चिन्हे आहे. निवडणूक आयोगाने दिलेल्या माहितीनुसार एमएनएफला २६ जागा मिळवून स्पष्ट बहुमत मिळाले आहे. एमएनएफ पक्षाच्या कार्यकर्त्यांनी कार्यालयाबाहेर नृत्याविष्कार सादर करत आनंद व्यक्त केला आहे. मिझोराममध्ये काँग्रेसचे ६ जागा मिळवित डिपॉझिट जप्त झाले आहे.
मिझोरामचे मुख्यमंत्री ललथहवला यांना सेरछिपमध्ये लालदूहोमा यांनी पराभवाचा धक्‍का बसला आहे. तर चंफाई दक्षिणमधून त्यांना एमएनएफच्याच केटी लालनंतलुआंग यांनी ८५६ मतांनी पराभूत केले. मिझोराममध्ये एकूण ४० सदस्यीय विधानसभेत जागा आहेत. ललथनहवला यांच्या मंत्रिमंडळातील एकमेव महिला मंत्री वानलालवंपुई च्‍वांगथू या हरांगतुर्जो विधानसभा मतदारसंघातून पिछाडीवर आहेत. एमएनएफचे अध्यक्ष जोरामथांगा हे एजॉल पूर्वमधून आघाडीवर असून जेपीएम नेते केके सापदांगा पिछाडीवर आहेत. जेपीएम हे दोन राजकीय पक्ष आणि चार समुहांची आघाडी आहे.
ललथनहवला यांनी गत निवडणुकीतही दोन जागांवरून निवडणूक लढवली होती. तेव्‍हा सेरछिप आणि हांगतुजरे या दोन्ही जागांवरून त्यांनी विजय मिळवला होता. १९७८ पासून सलग ९ वेळा ते विजयी झाले आहेत. परंतु, यंदाच्या निवडणुकीत ते एकही जागा वाचवू शकले नाहीत. २०१३ च्या निवडणुकीत ललथनहवला यांच्या नेतृत्‍वाखाली ४० पैकी ३० जागा काँग्रेसने जिंकल्या होत्या.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
