नवी दिल्ली | ईव्हीएम हॅकिंग प्रकरणावरून भाजपने काँग्रेस आणि राहुल गांधी यांच्यावर गंभीर आरोप केले आहेत. लंडनमधील पत्रकार परिषद ही काँग्रेसची पूर्व नियोजित असून या पत्रकार परिषदेचे आयोजक आशीष रे यांचे काँग्रेसशी संबंध असल्याचा दावा केंद्रीय मंत्री आणि भाजपचे ज्येष्ठ रविशंकर प्रसाद यांनी केला आहे. प्रसाद यांनी आज (२२ जानेवारी) पत्रकार परिषदेत बोलताना सांगितले.
Union Minister RS Prasad on y'day's event in London: What was Mr Kapil Sibal doing there? In what capacity was he present there? I believe he was monitoring the situation on behalf of Congress party. Is the Congress sponsored event designed to insult the popular mandate of 2014? pic.twitter.com/f6FMxm3oj7
— ANI (@ANI) January 22, 2019
या पत्रकार परिषदेत प्रसाद यांनी काँग्रेसवर आरोप करत म्हटले की, काँग्रेसचे नेते कपिल सिब्बल लंडनमधील हॅकेथॉनमध्ये काय करत होते, असा सवाल त्यांनी उपस्थित केला. या प्रकरणात भाजपाचे ज्येष्ठ नेते गोपीनाथ मुंडे यांच्या मृत्यूचे राजकारण होत आहे, असेही प्रसाद यांनी सांगितले. अशा आरोपबाजीमधून काँग्रेस २०१९ साली होणाऱ्या पराभवाचे कारण शोधत आहे, असा टोलाही त्यांनी लगावला.
काँग्रेस अध्यक्ष राहुल गांधी यांनी त्यांची भेटही घेतली होती, असा आरोप भाजपने केला आहे. तसेच काँग्रेसने या प्रकरणातून देशातील ९० कोटी मतदारांनी दिलेल्या जनादेशाचा अपमान केला असून, देशाला जगात बदनाम करण्याचा प्रयत्न काँग्रेसकडून होत असल्याचे भाजपने म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
