इंदूर | पाटीदार समाजाचे नेते हार्दिक पटेल यांनी राहुल गांधींची खिल्ली उडवल्यामुळे वाद निर्माण होण्याची शक्यता आहे. हार्दिक यांनी राहुल यांच्या पेहरावाची आणि देहबोलीवरून टिप्पणी केली. हार्दिक यांनी म्हटले की, राहुल गांधी अनेकदा भाषणादरम्यान आपल्या सदऱ्याच्या बाह्या वर करत असतात. याचा त्रास होत असले तर राहुल यांनी योग्य कपडे घातले पाहिजेत. राहुल गांधींनी जीन्स घालावी असा सल्लाही त्यांनी दिला आहे.
राजीव गांधी पंतप्रधान झाल्यानंतर पहिल्यांदा राजस्थानमध्ये गेले तेव्हा त्यांनी जोधपुरी सूट घातला होता. यानंतर लोकांनी त्यांना स्वीकारले होते. काळ बदलत असतो. त्यामुळे राहुल गांधींनीही खादीचे कपडे घालणे व सदऱ्याच्या बाह्या वर करण्याची सवय सोडली तर देश त्यांनाही स्वीकारेल, असे हार्दिक यांनी म्हटले.
यानंतर काँग्रेस नेत्यांकडून हार्दिक यांच्या या टीकेला प्रत्युत्तर देण्यात आले. हार्दिक पटेल हल्ली फॅशन डिझायनरचेही काम करतात हे आम्हाला माहिती नव्हते. एखाद्याचे कपडे किंवा सदरा कसा असावा, हे सांगणे डिझायनरचेच काम असते. त्यामुळे हार्दिक यांनी राहुल गांधींना नसते सल्ले देण्याच्या फंदात पडू नये, असेही काँग्रेस कडून सांगण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
