मुंबई | “नारायण राणेंना भाजपकडून देण्यात आलेली खासदारकी काढून घेण्यात यावी”, अशी मागणी सिंधुदुर्गातील एका भाजप नेत्याने केली आहे. सिंधुदुर्ग भाजपचे जिल्हाध्यक्ष प्रमोद जठार यांनी भाजप प्रभारी सरोजनी पांडे यांच्याकडे नारायण राणेंना भाजपकडून देण्यात आलेली खासदारकी काढून टाकण्याची मागणी पत्राद्वारे केली आहे. त्यामुळे सिंधुदुर्ग भाजप नेत्यांच्या मनात नारायण राणेंबद्दल नाराजी असल्याचे चित्र दिसत आहे.
सिंधुदुर्गातील भाजप नेत्यांमध्ये नारायण राणेबद्दल असंतोष वाढत चाललेला दिसत आहे. भाजपच्याच कोट्यातून सध्या राज्यसभेचे खासदार असणाऱ्या नारायण राणेंनी त्यांच्या महाराष्ट्र स्वाभिमान पक्षाच्या विश्वास यात्रेच्या वेळी भाजपवर निशाणा साधला होता. त्यामुळे भाजपमध्ये सध्या नारायण राणेविरोधी वातावरण आहे. म्हणूनच भाजपकडून नारायण राणेंना देण्यात आलेली खासदारकी काढून घेण्यात यावी, अशी मागणी सध्या सिंधुदुर्गातील भाजप नेत्यांकडून केली जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
