मुंबई | आगामी लोकसभा आणि विधानसभा निवडणुका जवळ आल्या आहेत. या निवडणुकीत शिवसेना-भाजपची युती होणार का? यावर सेना नेहमीच स्वबळाचा नारा देत आली आहे. परंतु गोदावरी अर्बन बँकेच्या उद्घाटनानंतर शिवसेना पक्षप्रमुख उद्धव ठाकरे आणि मुख्यमंत्री देवेंद्र फडणवीस यांच्यात चर्चा झाल्याची माहिती सूत्रांकडून मिळाली आहे.एका वृत्त वाहिनी दिलेल्या माहितीनुसार सोमवारी (१९ नोव्हेंबर) गोदावरी अर्बन बँकेच्या उद्घाटन कार्यक्रमानंतर या दोघांमध्ये चर्चा झाली आहे.
शिवसेनेचे आमदार हेमंत पाटील यांच्या गोदावरी अर्बन बँकेच्या नरिमन पॉईंट येथील शाखेचे उद्घाटन झाले. या कार्यक्रमाच्या निमित्ताने उद्धव ठाकरे आणि देवेंद्र फडणवीस यांची भेट झाली. त्यावेळी दोन्ही नेत्यांनी त्याच इमारतीमधील एका हॉटेलमध्ये १५ ते २० मिनिटे चर्चा केली. पण दोघांमध्ये नेमकी काय चर्चा झाली हे अद्याप स्पष्ट होऊ शकलेले नाही.सोमवारी विधिमंडळाचे हिवाळी अधिवेशन सुरू झाले आहे. या अधिवेशनादरम्यान दोघांमध्ये चर्चा झाल्याची शक्यता वर्तवण्यात येत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
