मध्यप्रदेश | आगामी निवडणुकीच्या दृष्टीने सध्या सर्वच पक्षांनी पक्ष बांधणीला सुरुवात केली आहे. मध्यप्रदेशमध्ये सत्तेत असलेल्या भाजपाला पराभूत करण्यासाठी कॉंग्रेसकडून सोशल मिडीयावर लक्ष केंद्रीत केल्याचे पहायला मिळत आहे. या ठिकाणी गेली १५ वर्षे भाजपची सत्ता आहे. ही सत्ता उलथविण्यासाठी काँग्रेसकडून ठोस पावले उचलण्यात येत आहेत.
यामध्ये प्रामुख्याने निवडणुकीतील उमेदवारी मिळविण्यासाठी सोशल मीडियावर सक्रीय असणे कार्यकर्त्यांना बंधनकारक करण्यात आले आहे. ज्या कार्यकर्त्यांचे फेसबुकवर १५ हजार लाइक्स आणि ट्विटरवर पाच हजार फॉलोअर्स असतील अशाच कार्यकर्त्याला विधानसभेचे तिकीट देण्यात येईल, असे फर्मान मध्य प्रदेश काँग्रेसने समितीने काढल्याची माहिती प्राप्त झाली आहे.
कॉंग्रेसच्या वतीने इच्छुक असलेले नेते आणि कार्यकर्त्यांना यासंदर्भात एक पत्रही पाठविण्यात आले आहे. इच्छुक असलेले कार्यकर्ते आणि पदाधिका-यांना 15 सप्टेंबरपर्यंत फेसबुक, ट्विटर आणि व्हॉटस्ऍपबाबतचा तपशील मध्य प्रदेश काँग्रेस समिती आणि आयटी विभागाला देण्याचे आदेश देण्यात आले आहेत. मध्य प्रदेशमध्ये गेल्या पंधरा वर्षांपासून भाजपची सत्ता असून या वर्षअखेरीस राज्यात निवडणूक होणार आहे. या निवडणुकीत भाजपाला हरविण्यासाठी सोशल मिडीयावर सक्रीय रहाणे हे नेते मंडळींना कॉंग्रेसकडून बंधणकारक करण्यात आले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
