HW News Marathi
राजकारण

उद्धव यांना ‘मोस्ट कन्फ्युज्ड पॉलिटिशियन’ पुरस्कार द्या | विखे पाटील

मुंबई | ‘जय शिवाजी जय भवानी’ अशा घोषणाच शिवसेनेचे नेते देत आहेत. शिवसेना पक्षप्रमुख बाहेर जाऊन भाषणे देत आहेत. ‘ना तळ्यात ना मळ्यात’ अशी शिवसेनेची भूमिका झाली असल्याने पक्षप्रमुख उद्धव ठाकरे यांना ‘मोस्ट कन्फ्युज्ड पॉलिटिशियन’ असा पुरस्कार द्यावा, अशी टीका विरोधी पक्ष नेते राधाकृष्ण विखे पाटील यांनी केली.

छत्रपती शिवाजी महाराज यांच्या स्मारकाची उंची कमी करण्याबाबत सरकार जेव्हा बैठक घेत होते तेव्हा शिवसेनेचे सुभाष देसाई त्यावेळी उपस्थित होते. खरंतर त्याचवेळी त्यांनी विरोध करत बैठकीतुन उठून जायला पाहिजे होते. ते बैठकीत केवळ डोसा खायला गेले होते का ? असा सवाल विरोधी पक्ष नेते राधाकृष्ण विखे पाटील यांनी करत शिवसेनेवर निशाणा साधला. शिवाजी महाराज यांच्या स्मारकाची उंची कमी झाली तेव्हा शिवसेनेचे नेते गप्प का होते. स्मारकाची उंची कमी झाल्यामुळे शिवसेना नेते विरोध करतील आणि दसरा मेळाव्यात याबाबत घोषणा करतील, असे मला अपेक्षित होते. पण असे काहीच झाले नाही. यावरून शिवसेना पक्षाची राजकारणात उंची कमी झाल्याचे दिसून आले असल्याची टीकाही विखे पाटलांनी केली आहे.

शिवस्मारकाची उंची तसेच त्याचा आराखडा बदलल्याने त्याची मूळ किंमत १३०० कोटींनी कमी झाली आहे. या प्रकल्पाची मूळ किंमत ३ हजार ८२६ कोटी इतकी होती. ती २ हजार ५०० कोटींवर आणण्यात आली. त्यासाठी मूळ आराखड्यात अनेक बदल केले. किंमत कमी करण्यामागे सरकारचा नेमका घोटाळा काय आहे याबाबत आम्ही येणा-या हिवाळी अधिवेशनात आवाज उठवू, असे विखे पाटील म्हणाले आहेत.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

पंतप्रधानांची मुलाखत म्हटल्यावर इतकी तर वाजणारच !

News Desk

…तर मग टीका सोसवायची तयारी ठेवा, शिवसेना पुन्हा आक्रमक

News Desk

माणचे राष्ट्रवादीचे नेते शेखर गोरे आज शिवसेनेत जाहीर प्रवेश करणार

News Desk