बीड | राम मंदीर बांधण्यापेक्षा शिवसेनेचे दैवत असलेल्या बाळासाहेब ठाकरेंचे स्मारक बांधा, अशी टीका छगन भुजबळांनी शिवसेनेवर केली होती. दसरा मेळाव्यानंतर शिवसेना पक्षप्रमुख उद्धव ठाकरेंवर राजकीय क्षेत्रातील अनेक मंडळींनी टीकास्त्र चालवले. त्यात आता भर म्हणजे राष्ट्रवादीचे नेते छगन भुजबळ यांनी सुद्धा उद्धव ठाकरेंवर टीका केली. या टीकेवर प्रत्युत्तर देत उद्धव ठाकरे म्हणाले, “शिवसेनाप्रमुख बाळासाहेब ठाकरे यांच्या स्मारकाची चिंता कोणी करु नये. ते होणारच आहे. दैवत बदलणारे आम्हाला शिकवणार का ?” याच दैवताला तुम्ही अटक करायला निघाले होते, असा टोलाही उद्धव यांनी भुजबळांना लगावला आहे.तसेच जे जामिनावर बाहेर पडलेत, तरीही त्यांचे पाय अजून जमिनीवर नाहीत, असा खोचक टोला उद्धव ठाकरे यांनी लगावला आहे.
शिवसेना पक्षप्रमुख उद्धव ठाकरे यांची काल बीडमध्ये सभा झाली. या सभेमध्ये उद्धव ठाकरे बोलत होते. बीडमध्ये भगवा फडकवायचा असल्याचे म्हणत पंकजा मुंडे यांना थेट इशाराच दिला आहे. मला शिवसेनेचा मुख्यमंत्री करायचा आहे. कारण मला राज्य उभारायचे आहे, असेही यावेळी उद्धव ठाकरे म्हणाले आहेत. महाराष्ट्रातील दुष्काळ जाहीर करायला मुहूर्त काढायचा काय ? असेच सुरु राहिले तर लोकशाही मार्गाने हे सरकार पुढे जाऊ शकेल असे वाटत नाही. देशात आणि राज्यात तब्बल ३० वर्षानंतर हिंदू सरकार आले आहे. परंतु लोकांच्या पदरी निराशाच पडली आहे, असे उद्धव ठाकरे म्हणाले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
