बंगळुरू | कर्नाटक निवडणुकीनंतर कोणता पक्ष सत्ता प्रस्थापित करणार यावरुन कर्नाटकमध्ये राजकीय युद्ध रंगल्याचे पहायला मिळाले होते. सत्तेत आपणच येणार असे म्हणत भाजपाने येडीयुरुप्पा यांना मुख्यमंत्री करत अवघ्या अडीच दिवसांचे सरकरा स्थापन केले होते. परंतु भाजपाला सत्तेतून पायउतार करण्यासाठी नवीन शक्कल लढवत जेडीएस आणि कॉंग्रेसने संयुक्त सरकार स्थापन केले. सत्ता स्थापन करताना जेडीएसचे कुमारस्वानी यांना कर्नाटकचे मुख्यमंत्री पद दिले गेले. परंतु मुख्यमंत्री पदाची धुरा सांभाळताना कुमारस्वामी येत्या ५ जुलै ला राज्याचे बजेट सादर करणार आहेत. परंतु या बजेटच्या सादरीकरणापुर्वी हे सरकार कोसळणार असल्याची शक्यता राजकीय वर्तुळातून व्यक्त केली जात आहे.
संयुक्त सरकार असताना खातेवाटपावरून नाराज झालेल्या आमदारांमुळे जेडीएस-काँग्रेसचे सरकार कोंडीत सापडले असल्याचे चित्र सध्या पहायला मिळत आहे. दोन्ही पक्षाचे नेते याबाबत चर्चेने मार्ग काढायला तयार नाहीत. त्यामुळे नाराज नेते भाजपशी संपर्क करत असल्याची चर्चा आहे. दिवसेंदिवस वेगवेगळ्या प्रकारे घडत असलेल्या या राजकीय नाट्यामुळे कर्नाटकमध्ये राजकीय भूकंप येणार असून अवघ्या चार आठवड्यांचे कुमारस्वामी यांचे सरकार कोसळणार असल्याची शक्यता व्यक्त केली जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
