मुंबई | दलित पँथर पासून आंबेडकरी चळवळीत निस्वार्थ भावनेने गरिबांच्या, झोपडीवासियांच्या हक्कासाठी कार्यरत राहिलेले रिपब्लिकन पक्षाचे लढाऊ ज्येष्ठ नेते दिवंगत बाबुराव शेजवळ यांच्या स्मृती जोपासण्यासाठी चेंबूरमध्ये पी एल लोखंडेमार्ग येथील मैदानास त्यांचे नाव देण्यासाठी प्रयत्न करणार असल्याचे प्रतिपादन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केले.
चेंबूर पी एल लोखंडे मार्ग येथील मातोश्री रमाई आंबेडकर अभागृहात दिवंगत बाबुराव शेजवळ यांच्या जाहीर श्रद्धांजली सभेत रामदास आठवले बोलत होते.अध्यक्षस्थानी गौतम सोनवणे होते. विचारमंचावर रिपाइं चे काकासाहेब खंबाळकर, दिपकभाऊ निकाळजे, तसेच दिवंगत बाबुराव शेजवळ यांच्या पत्नी उषा शेजवळ, ऍड. बी के बर्वे, तानाजी जगताप, ऍड.आशाताई लांडगे, जयश्री उपशाम , किसन माने, सिद्धार्थ कासारे, सोना कांबळे, हेमंत रणपिसे, सुभाष किरवले, आदी अनेक मान्यवर उपस्थित होते.
रिपब्लिकन पक्ष हा एक परिवार आहे. रिपब्लिकन चळवळीत काम करणारा कार्यकर्ता दगावला तर त्यांचा परिवार निराधार होऊ नये. त्यांना आर्थिक पाठबळ देण्यासाठी निधी तयार करण्याची या सभेत वक्त्यांनी सूचना केली त्यास रामदास आठवलेंनी मान्यता दिली असून दिवंगत बाबुराव शेजवळ यांच्या कुटुंबियांसाठी सांत्वनपर निधी रिपब्लिकन पक्षातर्फे देण्यात येईल. त्या साठी स्वतः रामदास आठवले यांनी पुढाकार घेऊन वैक्तिक 25 हजार देण्याचेयावेळी जाहीर केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
