मुंबई। भारतीय डाक विभागातर्फे प्रभादेवी येथील श्री सिद्धिविनायक मंदिराच्या तयार करण्यात आलेल्या पोस्टल स्टॅम्पचे आज (सोमवार) मंदिराच्या गाभाऱ्यात राज्याचे मुख्यमंत्री देवेंद्र फडणवीस आणि शिवसेना पक्षप्रमुख उद्धव ठाकरे यांच्या हस्ते प्रकाशन करण्यात येणार आले आहे. या प्रकाशन कार्यक्रमात श्री सिद्धिविनायक मंदिर न्यासाचे अध्यक्ष आदेश बांदेकर यांच्यासह सर्व विश्वस्त, प्रधान सचिव आणि महाराष्ट्र सर्कलचे मुख्य पोस्टमास्टर जनरल हरिश्चंद्र अग्रवाल हे उपस्थित होते.
दरम्यान, आज देशभरात इंधन दरवाढीच्याविरोधात काँग्रेससह इतर 21 पक्षांनीदेखील ‘भारत बंद’ची हाक दिली होती. या बंदच्या दरम्यान विशेषतः काँग्रेस आणि मनसेकडून अनेक ठिकाणी इंधन दरवाढीचा मोठ्या प्रमाणात निषेध करण्यात आला. मुंबई काँग्रेसचे अध्यक्ष संजय निरुपम यांच्याकडून अंधेरी रेल्वेस्थानात रेल्वे बंद करण्याचे प्रयत्न झाले तर इंधन दरवाढीच्या निषेधार्थ मनसेकडून दादरमधील सेनाभावनासमोर महागाईची तिरडी काढून रास्ता रोको आंदोलन करण्यात आले.
भाजपच्या मित्र पक्ष असलेल्या शिवसेनेने मात्र यात सावध भूमिका घेतल्याचे दिसते. सामनाच्या संपादकीयातून जरी सरकारच्या इंधन दरवाढीवर टीका करण्यात आली असली तरी विरोधकांकडून केल्या गेलेल्या भारत बंदला शिवसेनेकडून समर्थन मात्र नव्हते. याउलट श्री सिद्धिविनायक मंदिराच्या पोस्टल स्टॅम्पच्या प्रकाशनाच्या निमित्ताने शिवसेना पक्षप्रमुख आणि राज्याचे मुख्यमंत्री हे विरोधी पक्षांनी पुकारलेल्या ‘भारत बंद’च्या दिवशी एकत्र दिसले
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
