HW Marathi
राजकारण

INX Media Case : पी. चिंदबरम यांना ईडी अटक करू शकत नाही

नवी दिल्ली | आयएनएक्स मीडिया घोटाळाप्रकरणी माजी केंद्रीय गृह तथा अर्थमंत्री आणि ज्येष्ठ काँग्रेस नेते पी. चिदंबरम यांना अंमलबजावणी संचालनालयाकडून (ईडी) सोमवारपर्यंत अटक करू शकत नाही, अशा निर्णय सर्वोच्च न्यायालयाने आज (२३ ऑगस्ट) झालेल्या सुनावणीदरम्यान हा निर्णय दिला आहे. या प्रकरणी चिदंबरम यांना काल (२२ ऑगस्ट) सीबीआय न्यायालयाने सोमवारपर्यंत (२६ ऑगस्ट) सीबीआय कोठडीत रवानगी करण्यात आली आहे. तर या पाच दिवसाच्या कोठडीत चिदंबरम यांच्या कुटुंबातील सदस्यांना तसेच वकिलांना चिदंबरम यांना दिवसातून ३० मिनिटे भेटण्याची परवानगी देण्यात आहे.

या प्रकरणी ईडीने चिदंबरम यांना बुधवारी (२१ ऑगस्ट) लूकआऊट नोटीस जारी करण्यात आले होते. ईडीने चिदंबरम यांच्याविरोधात काढलेली लुकआऊट नोटीस रस्ते परिवहन, हवाई दल आणि नौदलाला पाठवली आहे. त्यात चिदंबरम यांना ईडीच्या परवानगी शिवाय भारताबाहेर जाण्याची परवानगी न देण्याचे आदेश दिले आहेत.

नमके काय आहे प्रकरण

चिदंबरम हे अर्थमंत्री असतानाच्या काळात आयएनएक्स मीडियामध्ये विदेशातून ३०५ कोटी रुपयांचा निधी गुंतवण्यात आला होता. याबाबतच्या प्रस्तावाला चिदंबरम यांच्या अध्यक्षतेखालील एफआयपीबीने मंजुरी दिली होती. चिदंबरम यांच्या पुत्राच्या प्रत्यक्ष वा अप्रत्यक्ष ताब्यात असलेल्या कंपन्यांद्वारे विदेशातून हा निधी भारतात आणण्यात आला असल्याचा दावा तपास सीबीआयनी केला आहे. आयएनएक्स मीडीया घोटाळ्याप्रकरणी दिल्‍ली उच्च न्यायालयाने २५ जुलै २०१८ रोजी चिदंबरम यांना अंतरीम जामीन दिला होता. त्यानंतर वारंवार त्यांना न्यायालयाने दिलासा दिलेला आहे. मात्र, यावेळी न्यायालयाने त्यांचा अटकपूर्व जामीनअर्ज फेटाळला आहे.

 

Related posts

आमच्या सरकारवर, मुख्यमंत्र्यांवर विठ्ठल प्रसन्न म्हणूनच…!

News Desk

राहुल गांधींना दिली निपाह व्हायरसची उपमा

News Desk

पाच राज्यांत जनतेनेच ‘भाजपमुक्त’चा संदेश दिला !

News Desk