HW News Marathi
राजकारण

युतीसाठी भाजपकडून मनसेची मनधरणी ?

मुंबई | मुंबई भाजपचे अध्यक्ष आशीष शेलार यांनी सोमवारी (३१ डिसेंबर) महाराष्ट्र नवनिर्माण सेनेचे अध्यक्ष राज ठाकरे यांची ‘कृष्णकुंज’वर जाऊन भेट घेतली आहे. या दोन्ही पक्षांच्या नेत्यांची तब्बल दोन तास गुप्त बैठक सुरु होती. दरम्यान, राज ठाकरे आणि आशीष शेलार यांच्या या गुप्त बैठकीमुळे राजकीय चर्चांना उधाण आले आहे. अद्याप या बैठकीतील मुद्दे अधिकृतरीत्या स्पष्ट झालेले नसले तरी आगामी निवडणुकांच्या पार्श्वभूमीवर युतीसाठी भाजपकडून मनसेला गळ घालण्यात आल्याची चर्चा सुरु आहे.

भाजपसोबत सत्तेत असूनही बहुतांश वेळा शिवसेना विरोधी पक्षाच्या भूमिकेत दिसते. भाषणांमधून त्याचप्रमाणे ‘सामना’तून शिवसेनेकडून वारंवार भाजपवर जहरी टीका केली जाते. याच पार्श्वभूमीवर युतीसाठी भाजपकडून शिवसेनेऐवजी मनसेची मनधरणी करण्याचे प्रयत्न सुरु असल्याची माहिती सूत्रांकडून मिळत आहे. दरम्यान, या बैठकीबाबतची अधिकृत माहिती समोर आल्यानंतरच नेमक्या गोष्टी स्पष्ट होतील.

आगामी निवडणुकीत मनसे देणार का भाजपला टाळी ?

“भाजपने जरी टाळीसाठी मनसेकडे हात पुढे केला असला तरी मनसे भाजपला टाळी देणार का ?”, हा मोठा प्रश्न सध्या निर्माण झाला आहे. आपल्या भाषणांमधून आणि व्यंगचित्रांमधून भाजप सरकारवर सडकून टीका करणारे राज ठाकरे भाजपसोबतच युती करण्यास तयार होणार का ? हे येणारा काळच ठरवेल.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

दोनदा मतदान करण्याचा सल्ला, भाजप आमदार मंदा म्हात्रे यांना भोवला

News Desk

अमित शहांनंतर मुख्यमंत्री घेणार नितीन गडकरींची भेट

News Desk

इसिसचा धोका वाढत असल्याचा हा इशारा !

News Desk