कर्नाटक विधानसभा निवडणुकीमुळे भाजप आणि काँग्रेस या दोन्ही पक्षांचे अस्तित्व पणाला लागले होते. मंगळवारी जाहीर झालेल्या निकालानुसार भाजपला जनतेने कौल दिल्याचे दिसून आले.
मुंबई अध्यक्ष आशिष शेलार कर्नाटक निवडणूक प्रचारासाठी कर्नाटक मध्ये स्वतः गेले होते अनेक ठिकाणी ते सभेत सहभागी झाले होते. मुंबईसह महाराष्ट्रातील भाजप कार्यकर्त्यांचा या प्रचारात सहभाग असल्यामुळे अख्या महाराष्ट्रातील नेते कार्यकर्त्यांसाठी ही निवडणूक महत्वाची होती.
प्रतिष्ठा पणाला लावणारी ही निवडणूक असल्यामुळे यामध्ये मिळाले विजयाचा जल्लोष देखील भाजप कार्यकर्त्यांनी अनोख्या पद्धतीने केला. ढोल ताश्याच्या गजरात लाडू पेढे वाटून भाजप कार्यकर्त्यांनी हा विजयोत्सव साजरा केल्याचे चित्र मंगळवारी भाजपच्या मुंबई स्थित मध्यवर्ती कार्यालयात पहायला मिळाले.
भाजप प्रदेशाध्यक्ष रावसाहेब दानवे यांनी नेते आणि कार्यकर्त्यांना पेढे भरवत आनंद साजरा केला तर दारा सिंग या ढोल ताश्याच्या तालावर ठेका धरत आनंद व्यक्त केला.
भाजपाच्या मध्यवर्ती कार्यालयात कार्यालयात भाजपचे नेते कार्यकर्ते यांनी एकत्र येत या विजयाचा जल्लोष साजरा केला. 2019 च्या लोकसभा विधानसभा निवडणुकीची रंगीत तालीम म्हणून या निवडणुकीकडे पाहिले जात होते. यामध्ये भाजपचा विजय झाल्यामुळे येत्या काळात काँग्रेस ला जनता किती साथ देणार हे पाहणं औत्सुक्याचे ठरणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
