बंगळुरू | विधानसभेच्या सभागृहात काँग्रेसचे दोन आमदार गैरहजर असल्याची माहिती मिळाली होती. पण, हे आमदार गैरहजर नसून यांना येडियुरप्पांच्या मुलाने हॉटेलमध्ये कैद करुन ठेवले, असल्याचा आरोप काँग्रेसकडून करण्यात आला आहे. आनंद सिह आणि प्रताप गौडा पाटील असे कैदेत असलेल्या काँग्रेसच्या आमदारांचे नाव आहे. कैद केल्याची माहिती मिळताच पोलीस हॉटेलच्या दिशेने रवाना झाले आहे. तर काँग्रेसचे एकूण पाच आमदार भाजपच्या संपर्कात असल्याची माहिती सूत्रांकडून मिळाली आहे.
सुप्रीम कोर्टाने दिलेल्या आदेशानुसार कर्नाटकात आज भाजपचे मुख्यमंत्री बी. एस. येडियुरप्पा यांना दुपारी ४ वाजेपर्यंत बहुमत सिद्ध करायचे आहे. भाजप आज बहुमत कसे सिद्ध करणार याकडे सर्व देशांचे लक्ष लागले आहे. २२४ जागापैकी कर्नाटकात विधासभेच्या २२२ जागांसाठी निवडणुका झाल्या होत्या. यात भाजप १०४, काँग्रेस ७८, जेडीएस ३८ आणि अन्य २ जागा मिळाल्या आहेत. काँग्रेस-भाजप यांना बहुमतासाठी ११२चा आकडा असणे गरजेचे आहे. भाजपला बहुमतासाठी ७ आमदारांची गरज आहे. दुसरीकडे काँग्रेस-जेडीएसला यांच्या आमदारांचे एकूण ११६ असे संख्या बळ आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
