मुंबई | सामाजिक कार्यकर्त्या अंजली दमानिया आणि माजी मंत्री एकनाथ खडसे यांच्यातले राजकीय वितुष्ट कुणाला माहित नसेल तरचं नवल. सध्या पुन्हा एकदा दमानिया व खडसे यांच्यातला वाद चव्हाट्यावर आल्याचे चित्र पहायला मिळत आहे. माजी मंत्री एकनाथ खडसे यांनी दमानियांच्या विरोधात बदनामीचा खटला दाखल केला आहे. त्यामुळे दमानिया आणि खडसे यांच्यातील वाद वाढत जाणार असल्याची चिन्हे सध्या पहायला मिळत आहेत.
खरे मर्द असाल तर उच्च न्यायालयात माझ्याशी लढून दाखवा, असे आव्हान सामजिक कार्यकर्त्या अंजली दमानियांनी खडसेंना दिले होते. खडसेंनी दाखल केलेल्या खटल्याबाबत पोलीस अटक करण्याआधीच त्या पोलिसांकडे पोहोचल्या होत्या. त्यावेळी पत्रकार परिषद घेत त्यांनी आपल्यावरचे आरोप फेटाळण्याचा प्रयत्न केला होता.
दमानियांविरोधात गंभीर स्वरुपाचे गुन्हे दाखल असतानाही त्या पोलिसांना आव्हान देतात, तरीही गृहखाते त्यांच्यावर कोणतीही कारवाई करत नाही, यामुळेच त्यांचीही हिम्मत वाढत असावी, असेही खडसे म्हणालेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
