नवी दिल्ली | केंद्रीय निवडणूक आयोगाने रविवारी (१० मार्च) आगामी लोकसभा निवडणुकीच्या तारखा जाहीर केल्या. या पार्श्वभूमीवर आता राजकीय पक्षांची लगबग सुरु झाली आहे. देशातील राजकीय पक्षांकडून आता आपापल्या उमेदवारांच्या याद्या जाहीर करण्यात येत आहे. दरम्यान, लवकरच भाजप देखील आपल्या उमेदवारांची पहिली यादी जाहीर करण्याची शक्यता वर्तविण्यात येत आहे. भाजपकडून उद्या (१६ मार्च) उमेदवारांची पहिली यादी जाहीर केली जाऊ शकते. त्याचप्रमाणे या यादीत पंतप्रधान मोदींसह भाजपच्या अन्य बड्या नेत्यांची नाव असू शकतात अशी दाट शक्यता वर्तविली जात आहे.
देशभरात ११ एप्रिलपासून ७ टप्प्यांमध्ये लोकसभा निवडणूक पार पडणार असून २३ मे रोजी निकाल जाहीर होणार आहे. दरम्यान, भाजपच्या पहिल्या यादीत पंतप्रधान नरेंद्र मोदीसह राजनाथ सिंह, नितिन गडकरी, सदानंद गौडा, राधामोहन सिंह यांच्या नावांचा समावेश असण्याची शक्यता वर्तविण्यात येत आहे. शनिवारी संध्यकाळी भाजपची एक बैठक पार पडेल. या बैठकीनंतर भाजपकडून १०० उमेदवारांची यादी जाहीर करण्यात येईल अशी शक्यता वर्तविण्यात येत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
