मुंबई | राष्ट्रीय समाज पक्षाचे अध्यक्ष महादेव जानकर यांना डावलून भाजपकडून बारामती लोकसभा मतदारसंघातून रासपचे आमदार राहुल कुल यांच्या पत्नी कांचन कुल यांना उमेदवारी देण्यात आली आहे. भाजपच्या या निर्णयामुळे अस्वस्थ असलेले महादेव जानकर यांनी शनिवारी (२३ मार्च) पुण्यात रासपच्या पदाधिकाऱ्यांची तातडीची बैठक बोलावली आहे. या बैठकीत नेमकी काय चर्चा होणार ? काय निर्णय घेतला घेतला जाणार ? याकडे सध्या सर्वांचे लक्ष लागून राहिले आहे.
रासपचे आमदार राहुल कुल हे गेल्या अनेक दिवसांपासून मुख्यमंत्री देवेंद्र फडणवीस यांच्या अधिक संपर्कात असल्याची माहिती मिळत आहे. याचमुळे राहुल कुल यांच्या पत्नी कांचन कुल यांना उमेदवारी मिळाल्याची चर्चा आहे. मात्र, भाजपने यावेळी राजकीय डाव खेळ एकीकडे रासपच्याच आमदाराच्या पत्नीला उमेदवारी दिली तर दुसरीकडे रासप अध्यक्ष जानकर यांना उमेदवारी नाकारली आहे. याचमुळे जानकर नाराज असल्याची चर्चा आहे.
लोकसभा निवडणुक बारामती मतदारसंघातून लढविण्यास महादेव जानकर पहिल्यापासूनच आग्रही होते. मात्र, या मतदारसंघातून लढायचे असेल तर भाजपच्या चिन्हावर लढावे लागेल अशी अट भाजपकडून घालण्यात आली होती. मात्र, जानकर यांनी आपल्या स्वतंत्र पक्षाच्या म्हणजेच रासपच्या चिन्हावरच निवडणूक लढविणार असल्याचे स्पष्ट केले आहे. म्हणूनच, भाजपकडून जानकर यांना बारामतीतून उमेदवारी नाकारल्याची चर्चा आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
