मुंबई | नाशिक पदवीधर मतदारसंघाच्या (Nashik Graduate Constituency) निवडणुकीत महाविकास आघाडीने अपक्ष उमेदवार शुभांगी पाटील (Shubhangi Patil) पाठिंबा जाहीर केला आहे. महाविकास आघाडीच्या (Maha Vikas Aghadi) नेत्यांची आज (19 जानेवारी) बैठक पार पडली. या बैठकीत शुभांगी पाटील यांना नाशिक पदवीधर मतदारसंघाच्या निवडणुकीत महाविकास आघाडी पाठिंबा देणार यावर शिक्कामोर्तब झाला आहे. या बैठकीनंतर काँग्रेसचे प्रदेशाध्यक्ष नाना पटोले, ठाकरे गटाचे नेते आणि विधानपरिषदेचे विरोधीपक्ष नेते अंबादास दानवे आणि राष्ट्रवादी काँग्रेसचे नेते जितेंद्र आव्हाड यांनी पत्रकार परिषदेतून ही माहिती दिली.
“पाच उमेदवार महाविकास आघाडीने पदवीधर मतदारसंघाच्या निवडणुकीच्या रिंगणात उभे केले आहे. आणि महाविकास आघाडी म्हणून या पाचही निवडणुका आम्ही जिंकू. या पद्धतीचे वातावरण संपूर्ण राज्यामध्ये आहे,” असा विश्वास नाना पटोलेंनी माध्यमांशी बोलताना व्यक्त केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
