नवी दिल्ली | राजस्थान, मध्यप्रदेश, छत्तीसगढ, मिझोरम आणि तेलंगणा या पाचही राज्यांच्या विधानसभा निवडणुकांचे निकाल मंगळवारी (११ डिसेंबर) जाहीर होणार आहेत. दरम्यान, या पाचही राज्यांच्या विधानसभा निवडणुकांच्या मतमोजणी पूर्वी निवडणूक आयोगाने काही मोठे बदल केले आहेत. निवडणूक आयोगाने केलेल्या या बदलांमुळे विधानसभांचे निवडणुकांचे निकाल विशेषतः मध्यप्रदेश विधानसभेचे निकाल लागण्यास विलंब होऊ शकतो, असा अंदाज लावला जात आहे.
“या निवडणुकांच्या मतमोजणीच्या प्रत्येक टप्प्यानंतर रिटर्निंग ऑफिसर जोपर्यंत त्या टप्प्याची माहिती देणारे प्रमाणपत्र जारी करीत नाहीत. तोपर्यंत मतमोजणीचा दुसरा टप्पा सुरु होऊ शकणार नाही”,असे निवडणूक आयोगाकडून स्पष्ट करण्यात आले आहे. काँग्रेसकडून करण्यात आलेल्या मागणीनंतर निवडणूक आयोगाकडून रविवारी (९ डिसेंबर) रात्री हा निर्णय घेण्यात आला आहे.
दरम्यान, या प्रमाणपत्रात विशिष्ट वेळेपर्यंत कोणत्या उमेदवाराच्या खात्यात किती मतांची नोंद झाली आहे ही माहिती असेल. मंगळवारी (११ डिसेंबर) या पाचही विधानसभा निवडणुकांसाठीची मतमोजणी सुरु असताना मतमोजणी सभागृहात इंटरनेटचा वापर प्रकर्षाने टाळण्यात येणार आहे. त्याचप्रमाणे सीसीटीव्ही कॅमेरांच्या मदतीने मतमोजणीच्या संपूर्ण प्रक्रियेवर लक्ष ठेवले जाईल.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
