नवी दिल्ली । पश्चिम बंगालच्या मुख्यमंत्री ममता बॅनर्जी यांनी ३ एप्रिल रोजी होणाऱ्या पंतप्रधान मोदींच्या रॅलीला परवानगी नाकारली आहे. पश्चिम बंगालमधील दार्जिलिंग जिल्ह्यातील कावाखाली मैदानावर 3 एप्रिल रोजी पंतप्रधान मोदींची सभा आयोजित करण्यात आली होती. दरम्यान, पश्चिम बंगाल सरकारने ही परवानगी नाकारली असल्याचे सांगत भाजप प्रदेशाध्यक्ष दिलीप घोष यांनी याबाबत नाराजी व्यक्त केली आहे. लोकशाहीत कोणीही आम्हाला रॅली घेण्यापासून रोखू शकत नाही, असे घोष म्हणाले.
आम्ही कावाखाली मैदानासाठी एका आठवड्यापूर्वीच अर्ज दिला होता. परंतु, तरीही आम्हाला सभेसाठी परवानगी नाकारण्यात आली. आम्हाला सिलीगुढीतील २ रेल्वे मैदानाची परवानगी मिळाली होती. म्हणूनच आम्ही रेल्वे मैदान निवडले. मात्र, भाजपच्या बाबतीत पश्चिम बंगाल सरकारची भूमिका पक्षपाती आहे, असा आरोप घोष यांनी केला आहे. यापूर्वीही आम्हाला पंतप्रधान मोदी आणि पक्ष अध्यक्ष अमित शहा यांच्या सभेदरम्यान असाच अनुभव आला होता, असेही घोष यांनी पंत्रकारांशी बोलताना सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
