HW Marathi
राजकारण लोकसभा निवडणुक 2019

ईशान्य मुंबईतून मनोज कोटक यांना भाजपकडून उमेदवारी, सोमय्यांना मोठा धक्का

मुंबई | बहुचर्चित अशी ईशान्य मुंबईची जागा अखेर मनोज कोटक यांना भाजपने दिली आहे. भाजपने आज (३ एप्रिल) उमेदवारी जाहीर केली आहे. यामुळे भाजपचे विद्यामान खासदार किरीट सोमय्या यांना तिकीट मिळणार की, नाही. या चर्चेला अखेर पूर्णविराम लागला आहे.  शिवसेना पक्षप्रमुख उद्धव ठाकरे यांच्यावर टीका केल्यामुळे सोमय्या यांच्या निवडणुकीचा पत्ता कट झाला असल्याचे बोलले जात आहे.  यापूर्वी किरीट सोमय्या यांचे  उद्धव ठाकरे यांची भेट घेण्यासाठी प्रयत्न सुरु होते. परंतु, उद्धव ठाकरेंकडून सोमय्या यांना भेटीसाठी वेळ देण्यास टाळाटाळ केली गेली.

मनोज कोटक यांनी ईशान्य मुंबई मतदारसंघातील भाजपच्या कारकर्त्यांची भेट देखील घेतली होती. तसेच पक्षाने कोटक यांना निवडणुकीसाठी सज्ज राहण्यास सांगितल्याची माहिती मिळाली होती.  ईशान्य मुंबईतून युतीचे उमेदवार किरीट सोमय्या की मनोज कोटक याबाबतचा अंतिम निर्णय हा केंद्रीय संसदीय समितीकडून घेण्यात आला असून कोटक यांच्या नावा अखेर शिक्कमोर्तब झाला आहे.

विशेषतः शिवसैनिकांच्या रोषामुळे किरीट सोमय्यांच्या अडचणीत वाढ झाली आहे. शिवसेनेचे खासदार संजय राऊत यांचे बंधू आमदार सुनील राऊत यांनी देखील यापूर्वी किरीट सोमय्या यांना थेट आव्हान दिले होते. “गरज पडलीच तर मी अपक्ष लढेन. पण मी १०० टक्के सोमय्यांविरोधात निवडणूक लढविणार,” असे सुनील राऊत यांनी स्पष्ट केले होते.

Related posts

गांधींच्या प्रतिमेवर गोळ्या झाडणाऱ्या अखिल भारतीय हिंदू महासभेची वेबसाइट हॅक

News Desk

तिहेरी तलाक विधेयक कोणत्याही धर्म किंवा समाजाविरोधात नाही !

News Desk

उदयनराजे यांची भाजपमध्ये वापसी ? मुख्यमंत्र्यांच्या भेटीनंतर चर्चांना उधाण

Gauri Tilekar