Connect with us

राजकारण

#MarathaReservation : मराठा आरक्षणाला पुन्हा आव्हान, रिट याचिका दाखल

News Desk

Published

on

मुंबई | ‘इंडियन कॉन्स्टिट्युशनॅलिस्ट कौन्सिल’ या संस्थेतर्फे अ‍ॅड. जयश्री पाटील यांनी मराठा समाजाच्या आरक्षणाच्या कायद्याला आव्हान देणारी रिट याचिका उच्च न्यायालयात दाखल करण्यात आली आहे. राज्यात दिले गेलेले ५० टक्क्यांहून अधिक आरक्षण हे रिव्हर्स डिस्क्रिमिनेशन असल्याने बिगरमागासवर्गीय घटकांवर ते अन्याय करणारे ठरते, असा आक्षेप या याचिकेत करण्यात आला आहे. अनुसूचित जाती व अनुसूचित जमातींव्यतिरिक्त ‘ओबीसीं’ना दिलेले आरक्षण सामाजिक मागासलेपणावरच दिलेले आहे. त्यामुळे त्याच निकषावर मराठा समाजाचा स्वतंत्र वर्ग करणे घटनाबाह्य आहे, असाही आक्षेप या याचिकेत घेण्यात आला आहे.

त्याचप्रमाणे, सरकारने ५० टक्क्यांपेक्षा जास्त आरक्षण देणे हे घटनाबाह्य आहे, असे सांगत अॅड. गुणरत्न सदावर्ते यांनी देखील मराठा समाजाच्या आरक्षणाविरोधात मुंबई उच्च न्यायालयात याचिका दाखल केली आहे. या याचिकेद्वारे सदावर्ते यांनी मराठा समाजाचे आरक्षण रद्द करण्याची मागणी केली आहे. याचिका दाखल केली जाणार असल्याची माहिती मिळाल्यानंतर त्याचप्रमाणे प्रत्यक्षात याचिका दाखल केल्यानंतर अ‍ॅड. जयश्री पाटील व त्यांचे पती अ‍ॅड. गुणरत्न सदावर्ते यांना धमक्यांचे तब्बल १५०हूनही अधिक फोन आले आहेत. हे सर्व फोन या दाम्पत्याने टॅप करून ठेवले आहेत. या सर्व धमक्या सकल मराठा समाज आंदोलनाच्या कार्यकर्त्यांकडून आल्याचा आरोप अ‍ॅड. गुणरत्न सदावर्ते यांनी केला.

दरम्यान, राज्यात मराठा समाजाच्या आरक्षणासाठीची संवैधानिक आणि प्रशासकीय प्रक्रिया पूर्ण झाली असून या विधेयकाचे कायद्यात रूपांतर करण्यात आले आहे. मराठा समाजाच्या आरक्षणाचा कायदा म्हणजेच १ डिसेंबर २०१८ पासून संपूर्ण राज्यभरात लागू करण्यात आला आहे. मराठा समाजाला १६ टक्के स्वतंत्र आरक्षण देण्याचा निर्णय जाहीर झाला आहे. परंतु तरीही कोणत्याही संस्था, संघटनकडून न्यायालयात आव्हान याचिका दाखल केली जाऊ शकते ही बाब लक्षात घेता राज्य सरकारकडून सोमवारी (३ डिसेंबर) सर्वोच्च न्यायालयात कॅव्हेट दाखल करण्यात आले आहे.

राजकारण

अहमदनगर महानगरपालिकेमध्ये त्रिशंकू अवस्था

News Desk

Published

on

अहमदनगर | अहमदनगर महापालिकेत कोणत्याच पक्षाला स्पष्ट बहुमत मिळलेले चित्र दिसत नाही. काँग्रेस-राष्ट्रवादी काँग्रेस आघाडी आणि शिवसेनेमध्ये काँटे की टक्कर पाहायला मिळत आहे. काँग्रेस-राष्ट्रवादी आघाडी २३ जागा, शिवसेना २४, भाजप १४ आणि इतरांना ७ जागा मिळाल्या आहेत. भाजप आणि शिवसेना एकत्र आल्‍यास युतीची सत्ता येईल. अहमदनगरमध्ये महानगरपालिकेत एकूण ६८ जागांसाठी निवडणूक झाली असून सत्ता स्थापन करण्यासाठी बहुमताचा आकडा ३५ आहे.

त्यामुळे अहमदनगरच्या महापालिकेत नेमकी कोणा सत्ता येणार हे पाहणे औत्सुक्याचे ठरणार आहे. सत्तास्थापनेसाठी अहमदनगरमध्ये शिवसेना आणि भाजपला आघाडी करावी लागण्याची शक्यता आहे. अहमदनगर निवडणुकीतला सर्वात धक्कादायक निकाल म्हणजे शिवरायांबद्दल अपशब्द वापरणारा श्रीपाद छिंदम दोन हजार मतांनी विजयी झाला आहे. दरम्यान महापालिका त्रिशंकू झाल्यास महापौरपदासाठी घोडेबाजाराची परंपरा कायम राहणार असल्याचे चित्र दिसत आहे

Continue Reading

राजकारण

अहमदनगरमध्ये महानगरपालिकेच्या मतदान केंद्राबाहेर लाठीचार्ज

News Desk

Published

on

अहमदनगर | अहमदनगर महापालिकेच्या निवडणुकीसाठी मतमोजणी सुरू असताना मत मोजणी केंद्राबाहेर मोठ्या प्रमाणात गर्दी झाल्याने पोलिसांनी जोरदार लाठीचार्ज केला. पोलिसांच्या अंगावर रंग उधळल्यामुळे हा लाठीचार्ज सांगितल्याची सत्रांकडून माहिती मिळाली आहे.

मत मोजणी केंद्राबाहेर हजारो संख्येने लोकांचा समुदाय जमला होता. उमेदवार निवडून येताच कार्यकर्ते जल्लोष उद्देशाने  जमा झाले होते. त्याचवेळी एका उमेदवाराच्या निवडीचा जल्लोष सुरू असताना काही पोलिसांच्या अंगावर रंग पडला. त्यामुळे पोलिसांनी जोरदार लाठीचार्ज केला. लाठीचार्ज होताच जमावाने मिळेल त्या दिशेने पळ काढला. या लाठीचार्ज काहीजण जखमी झाले असून मत मोजणी केंद्राबाहेर चपलांचा खच पडल्याचे चित्र दिसून येते.

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या