HW News Marathi
राजकारण

मायावती एका उमेदवारीसाठी १५ कोटी रुपये घेतात, हा त्यांचा उद्योगच !

नवी दिल्ली | केंद्रीय मंत्री मेनका गांधी यांनी बसप अध्यक्ष मायावती यांच्यावर गंभीर आरोप केले आहेत. “बसपमध्ये कोणालाही फुकट उमेदवारी मिळत नाही. मायावती या पैसे घेऊन लोकांना उमेदवारी देतात हे सर्वांनाच माहीत आहे. मायावती एका उमेदवारीसाठी १५ कोटी रुपये घेतात. हा त्यांचा उद्योगच आहे”, असा आरोप मनेका गांधी यांनी केला आहे. आगामी लोकसभा निवडणुकीत मेनका गांधी सुलतानपूरमधून निवडणूक लढत आहेत. सुलतानपूरच्या प्रचारसभेत मेनका गांधी बोलत होत्या.

“मायावती उमेदवारी विकतात ते सर्वच जण जाणतात. त्यांच्या पक्षाचे नेते तर ही गोष्ट मोठ्या अभिमानाने सांगतात. मायावती या उमेदवारी हिऱ्यांच्या किंवा रोख पैशांच्या स्वरूपात देतात. त्या एका उमेदवारीसाठी १५ कोटी रुपये घेतात, असे त्यांचे समर्थक सांगतात”, असे मनेका गांधी यांनी म्हटले आहेत. गरिबीबाबत बोलणाऱ्या मायावतींची अशी ‘माया’ असल्याचा टोला देखील मनेका गांधी यांनी लगावला आहे. मेनका यांचे पुत्र वरुण हे सुलतानपूरचे विद्यमान खासदार आहेत. वरुण हे आगामी निवडणुकीत पिलिभीत मतदारसंघातून निवडणूक लढवत आहेत. २०१४ साली मनेका गांधी पिलिभीत मतदारसंघातून विजयी झाल्या होत्या.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

आपच्या ४१ आमदारांविरुद्ध भ्रष्टाचाराच्या तक्रारी दाखल

News Desk

सांगलीतून विशाल पाटील यांना स्वाभिमानी शेतकरी संघटनेकडून उमेदवारी

News Desk

निवडणूक आयोगासमोर शिंदे आणि ठाकरे गट आमने-सामने; आज दुपारपर्यंत पुरावे सादर करणार

Aprna