नवी दिल्ली | यंदाच्या लोकसभा निवडणुकीत पुन्हा एकदा देशातील जनतेने पंतप्रधान मोदींच्या बाजूने कौल देऊन त्यांना ऐतिहासिक विजय मिळवून दिला आहे. त्यानंतर एनडीएची सरकार स्थापनेसाठी हालचाल सुरु झाली. दिल्लीत शनिवारी (२५ मे) एनडीएची बैठक पार पडली. या बैठकीत 353 खासदारांनी देशाचे पंतप्रधान म्हणून नरेंद्र मोदींच्या नावाला समर्थन दिले. नरेंद्र मोदी येत्या गुरुवारी म्हणजेच ३० रोजी पंतप्रधानपदाची शपथ घेतील, अशी माहिती राष्ट्रपती भवनाकडून देण्यात आली आहे. राष्ट्रपती भवनात ३० मे रोजी संध्याकाळी ७ वाजता मोदींचा शपथविधी सोहळा पार पडेल.
Narendra Modi to take oath as PM on 30th May at 7pm, at Rashtrapati Bhavan. Members of Union Council of Ministers to also take oath. pic.twitter.com/qC2kTE35fE
— ANI (@ANI) May 26, 2019
राष्ट्रपती रामनाथ कोविंद हे नरेंद्र मोदी यांना पद आणि गोपनीयतेची शपथ देतील, अशी माहिती मिळत आहे. नरेंद्र मोदींच्या मंत्रिमंडळातील सदस्यांना देखील यावेळी शपथ दिली जाईल. दरम्यान, मोदींच्या मंत्रिमंडळातील या सदस्यांची नावे अद्याप जाहीर झालेली नाहीत. भाजप यंदा आपल्या मित्रपक्षांना किती मंत्रिपदे दिली जाणार, याकडे राजकीय वर्तुळाचे लक्ष लागून राहिले आहे.
मोदी सरकारच्या संसदेच्या पहिल्या अधिवेशनासाठी हालचाली सुरु झाल्या आहेत. येत्या ५ ते १५ जून दरम्यान या सरकारचे पहिले अधिवेशन होण्याची शक्यता वर्तविली जात आहे. तर जुलै महिन्यात हे मोदी सरकार आपला पहिला पूर्ण अर्थसंकल्प सादर करणार असल्याची माहिती देखील मिळत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
