Connect with us

राजकारण

नरभक्षक वााघाची शिकार करावी लागते, आयुक्तांना आनंद परांजपे यांचा टोला 

News Desk

Published

on

ठाणे |  वाघ- कुत्रे अशी विशेषणे वापरुन आयुक्तांनी केलेल्या भाषणाचा राष्ट्रवादी काँग्रेसचे ठाणे शहर अध्यक्ष आनंद परांजपे यांनी चांगलाच समाचार घेतला. ठाण्याचा विकास हा ठाणेकरांच्या कररुपी पैशातून होत असतो. त्यामुळे स्वत:ला वाघ समजणार्‍यांनी हे लक्षात घ्यावे की वाघ जंगलाची हद्द ओलांडून मानवी वस्तीत आला अन् नरभक्षक झाला की त्याची शिकार करावी लागते, अशा शब्दात आनंद परांजपे यांनी टोला हाणला. यावेळी भाजप आणि पालिका आयुक्त असा वाद रंगला.

महासभेची प्रश्नोत्तरे पालिका आयुक्तांच्या दालनात काही दिवसांपूर्वी घेतली असल्याने या सुनावणीची सीडी आपल्याला उपलब्ध करून द्यावी अशी मागणी भाजपचे नगरसेवक कृष्णा पाटील यांनी सभागृहात केली होती. यावरून पालिका आयुक्त संजीव जयस्वाल यांनी निवेदन करताना वैयक्तिक टीका न करण्याचे आवाहन करीत लोकप्रतिनिधीना या मुद्द्यावरून अनेक चिमटे काढले. एकदा कुत्रा चावला की प्रत्येक कुत्रा आपल्याला चावणार अशी भीती मनात बसते. त्यामुळे माझ्या मनात भीती निर्माण झाली असून नगरसेवकांना दिलेल्या सुनावणीचे चित्रिकरण केल्याचा उल्लेख आयुक्तांनी केला.

मात्र, शब्दशः अर्थ कुणी न घेतल्याने वादंग टळला. त्यानंतर वाघ जेव्हा आपली हद्द सोडत असतो तेव्हा त्यावर कब्जा करण्यासाठी अनेक जण सरसावत असतात. लवकरच माझी बदली होणार असल्याने तसे प्रयत्न तर होत नाहीत ना, असे टोकाचे उल्लेखही आयुक्तांनी केले. लोकप्रतिनिधीना दिलेल्या या चिमट्यांचा राष्ट्रावादीचे शहर अध्यक्ष आनंद परांजपे यांनी चांगलंच समाचार मंगळवारी पत्रकार परिषदेमध्ये घेतला.

सभागृहात वाघ आणि कुत्रा असा उल्लेख करत लोकप्रतिनिधीना अप्रत्यक्षपणे  चिमटे काढणार्‍या पालिका आयुक्तांना राष्ट्रवादीचे शहर अध्यक्ष आनंद परांजपे यांनी चांगलेच प्रत्युत्तर दिले आहे. सभागृहात वाघ आपली हद्द सोडून गेला की,  त्या ठिकाणचा ताबा घेण्यासाठी अनेक जण सरसावतात असा उल्ल्लेख सभागृहात झाला असल्याचे मी ऐकले. मात्र वाघ जेव्हा हद्द सोडून शहरात येतो  तेव्हा तो नरभक्षक होतो, अशा वाघाची शिकार करावी लागते, असा उपरोधिक टोला परांजपे यांनी लगावला आहे . परांजपे यांच्या या वक्तव्यामुळे सभागृहातील वादळ आता बाहेर देखील आले असून यानिमीत्ताने आरोप प्रत्यारोप अधिक गडद होण्याची चिन्हे आहेत.

सभागृहात वाघ आपली हद्द सोडून गेला की, त्या ठिकाणचा ताबा घेण्यासाठी अनेक जण सरसावतात असा उल्ल्लेख सभागृहात झाला असल्याचे मी ऐकले. मात्र वाघ जेव्हा हद्द सोडून शहरात येतो  तेव्हा तो नरभक्षक होतो, अशा वाघाची शिकार करावी लागते असा उपरोधिक टोला परांजपे यांनी लगावला आहे . तर, विकासाची गाडी दोन बैल खेचत असतात. त्याच्या खाली एक कुत्रा असतो. पण, त्या कुत्र्याला वाटते की गाडी आपणच खेचत आहोत. अशीच अवस्था ठामपाच्या प्रशासनाची झाली आहे, असा टोला आनंद परांजपे यांनी लगावला.

राजकारण

अहमदनगर महानगरपालिकेमध्ये त्रिशंकू अवस्था

News Desk

Published

on

अहमदनगर | अहमदनगर महापालिकेत कोणत्याच पक्षाला स्पष्ट बहुमत मिळलेले चित्र दिसत नाही. काँग्रेस-राष्ट्रवादी काँग्रेस आघाडी आणि शिवसेनेमध्ये काँटे की टक्कर पाहायला मिळत आहे. काँग्रेस-राष्ट्रवादी आघाडी २३ जागा, शिवसेना २४, भाजप १४ आणि इतरांना ७ जागा मिळाल्या आहेत. भाजप आणि शिवसेना एकत्र आल्‍यास युतीची सत्ता येईल. अहमदनगरमध्ये महानगरपालिकेत एकूण ६८ जागांसाठी निवडणूक झाली असून सत्ता स्थापन करण्यासाठी बहुमताचा आकडा ३५ आहे.

त्यामुळे अहमदनगरच्या महापालिकेत नेमकी कोणा सत्ता येणार हे पाहणे औत्सुक्याचे ठरणार आहे. सत्तास्थापनेसाठी अहमदनगरमध्ये शिवसेना आणि भाजपला आघाडी करावी लागण्याची शक्यता आहे. अहमदनगर निवडणुकीतला सर्वात धक्कादायक निकाल म्हणजे शिवरायांबद्दल अपशब्द वापरणारा श्रीपाद छिंदम दोन हजार मतांनी विजयी झाला आहे. दरम्यान महापालिका त्रिशंकू झाल्यास महापौरपदासाठी घोडेबाजाराची परंपरा कायम राहणार असल्याचे चित्र दिसत आहे

Continue Reading

राजकारण

अहमदनगरमध्ये महानगरपालिकेच्या मतदान केंद्राबाहेर लाठीचार्ज

News Desk

Published

on

अहमदनगर | अहमदनगर महापालिकेच्या निवडणुकीसाठी मतमोजणी सुरू असताना मत मोजणी केंद्राबाहेर मोठ्या प्रमाणात गर्दी झाल्याने पोलिसांनी जोरदार लाठीचार्ज केला. पोलिसांच्या अंगावर रंग उधळल्यामुळे हा लाठीचार्ज सांगितल्याची सत्रांकडून माहिती मिळाली आहे.

मत मोजणी केंद्राबाहेर हजारो संख्येने लोकांचा समुदाय जमला होता. उमेदवार निवडून येताच कार्यकर्ते जल्लोष उद्देशाने  जमा झाले होते. त्याचवेळी एका उमेदवाराच्या निवडीचा जल्लोष सुरू असताना काही पोलिसांच्या अंगावर रंग पडला. त्यामुळे पोलिसांनी जोरदार लाठीचार्ज केला. लाठीचार्ज होताच जमावाने मिळेल त्या दिशेने पळ काढला. या लाठीचार्ज काहीजण जखमी झाले असून मत मोजणी केंद्राबाहेर चपलांचा खच पडल्याचे चित्र दिसून येते.

Continue Reading

HW Marathi Facebook

December 2018
M T W T F S S
« Nov    
 12
3456789
10111213141516
17181920212223
24252627282930
31  

महत्वाच्या बातम्या