मुंबई | ‘जे शिवाजी महाराजांच्या पुतळ्यावर छत्र उभारू शकत नाहीत, ते अयोध्येत राम मंदिर काय उभारणार ?’ असा खोचक टोला काँग्रेसचे आमदार नितेश राणे यांनी शिवसेना पक्षप्रमुख उद्धव ठाकरे यांना लगावला आहे. स्वाभिमान पक्षाच्या कार्यकर्त्यांसह आंतरराष्ट्रीय विमानतळाजवळ असलेल्या शिवाजी महाराजांच्या पुतळ्यावर छत्र उभारुन नितेश राणे यांनी शिवसेनेला डिवचण्याचा प्रयत्न केला आहे.
आम्ही दिलेले शब्द पाळतो !!
पहिले आमचे छत्रपती..
मग जाऊन करा अयोध्या मध्ये आरती!! pic.twitter.com/FxqhSTDsLK— nitesh rane (@NiteshNRane) November 23, 2018
‘ते अयोध्येला जाऊनही केवळ राजकारण करत आहेत. राम मंदिर उभारण्याची त्यांची कुवत नाही’, अशा कठोर शब्दात यावेळी नितेश राणे यांनी उद्धव ठाकरे यांच्यावर टीका केली आहे. शिवसेनेने याआधी आंतरराष्ट्रीय विमानतळाजवळील शिवाजी महाराजांच्यापुतळ्यावर छत्र लावण्याची घोषणा केली होती. मात्र, त्याआधीच नितेश राणे यांनी स्वाभिमान पक्षाच्या कार्यकर्त्यांसह मिळून शिवाजी महाराजांच्या पुतळ्यावर छत्र उभारून आंदोलन केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
