नवी दिल्ली | काँग्रेस नेते जितेंद्र देशप्रभू यांनी गोव्याचे मुख्यमंत्री मनोहर पर्रीकरांबद्दल अत्यंत वादग्रस्त असे विधान केले आहे. गेले अनेक दिवस मनोहर पर्रीकर यांची प्रकृती चिंताजनक ते राजकारणात फारसे सक्रिय नाहीत. “गोव्याचे मुख्यमंत्री आहेत की नाही?, अशी आमच्या मनात शंका निर्माण होत आहे. पर्रीकर जर जिवंत असतील तर ते सत्ताधारी भाजपने गोव्याच्या लोकांसमोर सिद्ध करुन दाखवावे. खासगी किंवा सार्वजनिकरित्या ते कोठेही दिसून येत नाहीत. तुमच्याकडे जर मुख्यमंत्री नाहीत तर मग त्यांचे श्राद्ध घाला,” असे अत्यंत वादग्रस्त विधान जितेंद्र देशप्रभू यांनी केले आहे.
#WATCH: Jeetendra Deshprabhu, Congress says, "Goa CM is nowhere to be seen, either publically or privately. It leaves a very serious doubt in our minds, whether there is CM at all. If you don’t have CM, then his ‘Uthala&shraad’ should be held. #Goa pic.twitter.com/rZ1BzCZbxd
— ANI (@ANI) October 29, 2018
गोव्याचे मुख्यमंत्री मनोहर पर्रीकर यांना १४ ऑक्टोबरला नवी दिल्लीतील एम्स रुग्णालयातून डिस्चार्ज देण्यात आला आहे. त्यानंतर पर्रीकर सार्वजनिकरित्या कुठेही दिसून आलेले नाहीत. “मुख्यमंत्र्यांच्या आसपास असलेल्या अधिकाऱ्यांचा समूह त्यांच्या गैरहजेरीत अयोग्यपद्धतीने निर्णय घेत आहे,” असा आरोप काँग्रेसकडून केला जात आहे.
दरम्यान, मध्यंतरी गोव्याकडे दुर्लक्ष होऊ नये म्हणून भाजप व सत्ताधारी आघाडीकडून मुख्यमंत्रीपदासाठी नव्या पर्यायी व्यक्तीचा शोध घ्यायला सुरुवात झाली होती. या पर्यायी मुख्यमंत्रीपदासाठी आरोग्यमंत्री विश्वजित राणे यांचे नाव सुचविले जात होते. गोव्याचे मुख्यमंत्री मनोहर पर्रीकर यांच्या प्रकृतीच्या समस्येमुळे त्यांना राज्यासाठी पुरेसा वेळ देणे शक्य होत नाही, म्हणून हा पर्याय सुचविला जात असल्याचे म्हटले जात होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
