मुंबई | #MeToo प्रकरणात पोलिसांनी दोन्ही बाजू तपासून पाहायला हव्यात असे मत युवासेना प्रमुख अदित्य ठाकरे यांनी व्यक्त केले आहे. ते डोंबवलीमध्ये नवरात्रोत्सवा निमित्त आयोजित कार्यक्रमात बोलत होते.
#MeToo आणि एसएनडीटीमधील विद्यार्थिनींनी महिला वॉर्डनवर केलेल्या आरोपांसंदर्भात त्यांना विचारले असता जिथे महिलांसोबत लैंगिक गैरवर्तनाचे प्रकार होतात, तिथे तातडीने कारवाई झालीच पाहिजे, असे अादित्य ठाकरे यांनी सांगितले. अशा प्राध्यापकांवर कारवाई करणे गरजेचे आहे. असे प्रकार पुन्हा घडणार नाहीत याकडे आपण लक्ष दिले पाहिजे, असेही ते यावेळी बोलताना म्हणाले आहेत.
अभिनेत्री तनुश्री दत्ताने अभिनेते नाना पाटेकर यांच्यावर केलेल्या आरोपानंतर सोशल मीडिया तसेच प्रसिद्धी माध्यमाद्वारे अनेक महिला आवाज उठवत असल्याचे पाहायला मिळत आहे. सध्या #MeToo च्या माध्यमातून अनेक अभिनेत्री तसेच वेगवेगळ्या क्षेत्रातील महिला आवाज उठवत आहेत. त्याच बरोबर अनेक वर्ष जुन्या घटना यामुळे सर्वांसमोर येत आहेत. तसेच या माध्यमातून अनेक प्रतिष्ठित लोकांची प्रतिष्ठा पणाला लागल्याचे पाहायला मिळत आहे .
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
