पणजी | गोवा विधानसभेचे सभापती आणि भाजप नेते प्रमोद सावंत यांनी सोमवारी (१८ मार्च) रात्री १ वाजून ४५ मिनिटांनी गोव्याच्या मुख्यमंत्रीपदाची शपथ घेतली आहे. राज्यपाल मृदुला सिन्हा यांनी प्रमोद सावंत यांना पद आणि गोपनियतेची शपथ दिली. गोव्याचे मुख्यमंत्री मनोहर पर्रिकर यांच्यावर सोमवारी शासकीय इतमामात अंत्यसंस्कार झाले आहेत. त्यानंतर अवघ्या काही वेळातच प्रमोद सावंत यांची गोव्याच्या मुख्यमंत्रीपदी नियुक्ती होईल अशी माहिती मिळत होती. आता अखेर प्रमोद सावंत यांनी गोव्याच्या मुख्यमंत्रीपदाची शपथ घेतली आहे. त्याचप्रमाणे मगो पक्षाचे सुदिन ढवळीकर आणि गोवा फॉरवर्डचे विजय सरदेसाई हे दोन्ही आमदारांना उपमुख्यमंत्रीपद देण्यास भाजप तयार झाला आहे.
Goa: Pramod Sawant takes oath as the new Chief Minister of the state, at the Raj Bhavan. pic.twitter.com/bFq1j1B80t
— ANI (@ANI) March 18, 2019
भाजपचे राष्ट्रीय अध्यक्ष अमित शहा आणि केंद्रीय मंत्री नितीन गडकरी यांनी संध्याकाळी ७ वाजेपर्यंत गोव्यातील एका हॉटेलमध्ये सुदिन ढवळीकर व विजय सरदेसाई यांच्याशी चर्चा केल्याची माहिती मिळत आहे. या चर्चेनंतर प्रमोद सावंत यांची गोव्याच्या मुख्यमंत्रीपदी तर सुदिन ढवळीकर आणि विजय सरदेसाई या दोघांची गोव्याच्या उपमुख्यमंत्री नियुक्ती करण्याचा निर्णय घेण्यात आला.
Newly-appointed Goa CM Pramod Sawant: I have to provide a stability & move ahead together with all allies. It'll be my responsibility to complete the incomplete works. I will not be able to work as much as Manohar Parrikar ji but I will definitely try to work as much as possible. pic.twitter.com/BImogFkxp0
— ANI (@ANI) March 18, 2019
Goa Information Department: Swearing in ceremony of the next Chief Minister to be held at 11 pm today pic.twitter.com/eq2vSBPirf
— ANI (@ANI) March 18, 2019
मनोहर पर्रिकर यांनी रविवारी (१७ मार्च) दोनापावला येथील त्यांच्या निवासस्थानी वयाच्या ६३ व्या वर्षी अखेरचा श्‍वास घेतला. पर्रिकर यांच्या निधनांनंतर गोव्याचे नव्या मुख्यमंत्र्यासाठी राजकीय पक्षांची चढाओढ सुरु होती. दरम्यान, काँग्रेसने देखील राज्यपालांकडे गोव्यात सत्ता स्थापनेचा दावा केला होता. राज्यपाल डॉ. मृदुला सिन्हा यांची भेट घेऊन काँग्रेसच्या शिष्टमंडळाने त्यांना पत्र सादर केले होते.
गोवा विधानसभेतील पक्षीय बलाबल खालीलप्रमाणे :
- एकूण संख्याबळ – ३६
- भाजप- १२
- महाराष्ट्र गोमंतक पार्टी – ३
- गोवा फॉरवर्ड पार्टी – ३
- अपक्ष – ३
- काँग्रेस – १४
- एनसीपी – १
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
