मुंबई | पालघर निवडणुकीनंतर शिवसेनेने स्वबळावर लढण्याची घोषणा केल्यानंतर भाजपाकडून युती करण्यासंदर्भात दोन पाऊले पुढे टाकली गेली असतानाही शिवसेनेकडून प्रतिसाद मिळत नसल्याने आता भाजपने सेनेला प्रत्युत्तर दिल्याचे पहायला मिळत आहे. पालघरमध्ये भाजपाला मिळालेल्या यशा नंतर शिवसेनेशी युती नसतानाही आपण जिंकू शकतो त्यामुळे शिवसेना सोबत असो किंवा नसो आगामी निवडणुकीच्या तयारीला लागा असा आदेश मुख्यमंत्री देवेंद्र फडणवीस यांनी सोमवारी मुंबईत झालेल्या पदाधिकाऱ्यांच्या बैठकीत भाजपाच्या पदाधिका-यांना दिला आहे.
महाराष्ट्रात झालेल्या पोटनिवडणुकीनंतर दादरच्या वसंतस्मृती या भाजपाच्या कार्यालयात भाजपाच्या पदाधिका-यांची बैठक सोमवारी आयोजित करण्यात आली होती. यावेळी पदाधिका-यांना मार्गदर्शन करताना मुख्यमंत्री देवेंद्र फडणवीस बोलत होते. येत्या लोकसभा आणि विधानसभा निवडणूकीच्या पार्श्वभूमीवर ही बैठक आयोजित करण्यात आल्यामुळे बैठकीत सत्तेत सहभागी असलेल्या भाजपाचा मित्र पक्ष शिवसेना महत्वाचा चर्चेचा विषय असल्याचे बोलले जात आहे.
आगामी लोकसभा निवडणुकांची रणनिती ठरवण्यासाठी या बैठकीत चर्चा करण्यात आली. भंडारा गोंदिया लोकसभा पोटनिवडणूकीत पक्षाच्या पदरी अपयश आले असले तरी पालघर मध्ये शिवसेनेशी सामना करताना ही पोटनिवडणूक भाजपाला कठीण जाईल असे वाटत होते. परंतु पालघरमध्ये मिळालेल्या विजयामुळे मित्र पक्ष शिवसेनेशी युती होवो अथवा न होवो आगामी निवडणूकीच्या तयारीला लागा असा सूचना मुख्यमंत्र्यांनी या बौठकीत पदाधिकाऱ्यांना दिल्या आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
