नवी दिल्ली | भारत आणि पाकिस्तानमध्ये डेरा बाबा नानक- करतारपूर साहिब कॉरिडॉरवरुन वाद ताजा असताना पाकिस्तानला आणखी एक दणका मिळाला आहे. इस्लामाबादमध्ये होणाऱ्या सार्क संमेलनासाठी पंतप्रधान नरेंद्र मोदी यांना निमंत्रण देण्यात आले होते. पाकिस्तानने काल (२७ नोव्हेंबर) मंगळवारी इस्लामाबादमध्ये होणाऱ्या सार्क संमेलनासाठी पंतप्रधान नरेंद्र मोदी यांना निमंत्रण देण्यात आले होते. परंतु केंद्र सरकारने आज(२८ नोव्हेंबर) पाकिस्तानचे हे निमंत्रण नाकारले.
पाकिस्तानी मीडिया रिपोर्टनुसार, पाकिस्तानकडून पंतप्रधान नरेंद्र मोदी यांना सार्क संमेलनासाठी निमंत्रण पाठवण्यात येणार आहे. दरम्यान, २०१६ मध्ये झालेल्या उरी दहशतवादी हल्ल्यानंतर पाकिस्तानात होणाऱ्या सार्क संमेलनावर सर्व देशांच्या बहिष्कार घातला होता. या पार्श्वभूमीवर यावेळेस पाकिस्तानला सार्क संमेलनाचे आयोजन करण्यासाठी आणि तेव्हाची कमतरता भरुन काढण्यासाठी कोणतीही कसर सोडायची नाहीय. दरम्यान, सार्क संमेलनाची तारीख अद्याप निश्चित झालेली नाही. सर्व देशांचे सदस्य मिळून संमेलनाच्या तारखेची घोषणा करतील. यानंतर सर्व देशांना निमंत्रण पाठवले जाईल.
सार्क ही दक्षिण आशियाई देशांनी स्थापन केलेली परिषद आहे. सर्व सार्क सदस्यीय देश परिषदेची तारीख निश्चित करतात. भारतासह अफगाणिस्तान, श्रीलंका, बांगलादेश आणि नेपाळ हे सार्कचे सदस्यीय देश आहेत. तसेच आज पाकिस्तानमध्ये करतारपूर कॉरिडॉरचे भूमिपूजन होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
