मुंबई | पंतप्रधान नरेंद्र मोदी यांच्या आदेशानंतर देशभरात भाजपचे नेते उपोषणाला बसले आहेत. दस्तुरखुद्द नरेंद्र मोदी देखील या एकदिवसीय उपोषणात सहभागी झालेले आहेत. कॉंग्रेसच्या उपोषणाचा फज्जा उडाल्यानंतर भाजपचे उपोषण यशस्वी होणार का ? याकडे सध्या जनतेचे लक्ष लागलेले आहे.
विरोधकांनी गोंधळ घातल्यामुळे संसदेचं अर्थसंकल्पीय अधिवशेन वाया गेल्याच्या निषेधार्थ गुरुवारी भाजपने एकदिवसीय देशव्यापी उपोषण आंदोलन सुरु केले आहे.
सध्याच्या उपोषणाच्या राजकारणामुळे ज्येष्ठ समाजसेवक अण्णा हजारे देखील व्यथित झाले आहेत. आजच्या उपोषणात भारतीय जनता पक्षाचे सर्व खासदार आज दिवसभर उपोषण करणार आहेत. पंतप्रधान दैनंदिन कामात व्यस्त असूनही ते आज उपवास करणार आहेत.
भाजपचे खासदार किरीट सोमय्या सकाळी १० ते सायंकाळी ५ पर्यंत भांडून (पश्चिम) रेल्वे स्टेशन परिसरात ईशान्य मुंबईतील भाजप कार्यकर्त्यांसह उपोषणाला बसलेत. तर महाराष्ट्राचे मुख्यमंत्री देवेंद्र फडणवीस दुपारी १२ वाजल्यापासून विलेपार्ले येथे उपोषणाला बसले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
