नवी दिल्ली | आगामी निवडणुकांच्या पार्श्वभूमीवर राम मंदिराच्या मुद्द्यावरून वातावरण प्रचंड तापले आहे. “श्रीराम हे संपूर्ण विश्वाचे आहेत तर मग त्यांचे मंदिर अयोध्येतच का ?”, असा सवाल जम्मू आणि काश्मीरचे माजी मुख्यमंत्री आणि नॅशनल कॉन्फरन्स पक्षाचे प्रमुख फारुक अब्दुल्ला यांनी काही दिवसांपूर्वी केला होता. फारुक अब्दुल्ला यांच्या या प्रश्नाला केंद्रीय मंत्री गिरीराज सिंह यांनी प्रतिप्रश्न केला आहे. “मक्काच्या ऐवजी हज दुसऱ्या जागी नेण्यात आले तर तुम्हाला चालेल का ?”
एवढेच नव्हे तर “राम मंदिर अयोध्येत नाही तर मग काय मक्का-मदिनेत उभारणार का ?’ असा खोचक सवाल देखील गिरीराज सिंह यांनी केला आहे. दरम्यान, गिरीराज सिंह यांनी फारूक अब्दुल्ला यांना दिलेल्या प्रत्युत्तरामुळे हा वाद पुन्हा पेटण्याची शक्यता नाकारता येणार नाही. तसेच अयोध्या राम मंदिर उभारणीबाबत बोलताना गिरीराज सिंह यांनी एक मोठे वक्तव्य केले आहे. “सरकारच्या नव्हे तर देशातील १०० कोटी हिंदूंच्या हिंमतीवर राम मंदिर उभारण्यात येईल”, असे गिरीराज सिंह यांनी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
