नाशिक | शिवप्रतिष्ठानचे संस्थापक अध्यक्ष संभाजी भिडे यांना आज नाशिक येथील न्यायालयाकडून जामीन मंजूर करण्यात आला आहे. संभाजी भिडे यांच्यावर त्यांच्या वादग्रस्त विधानाप्रकरणी गुन्हा दाखल करण्यात आला होता. “माझ्या शेतातील आंबा खाल्ला तर जोडप्यांना मुले होतात”, असे वादग्रस्त वक्तव्य नाशिक येथे झालेल्या एका आयोजित सभेत संभाजी भिडे यांनी केले होते. संभाजी भिडे यांच्या या वादग्रस्त वक्तव्याविरोधात ‘लेक लाडकी अभियान’ या संस्थेने पुण्यातील आरोग्य विभागाच्या अतिरिक्त संचालकांकडे तक्रार दाखल केली होती.
नाशिक महानगरपालिकेच्या आरोग्य विभागाने या तक्रारीची दखल घेत याबाबतची चौकशी करून संभाजी भिडेंच्या विरोधात जिल्हा न्यायालयामध्ये दावा दाखल केला होता. दरम्यान, दावा दाखल होऊन समन्स बजावूनही संभाजी भिडे तीन वेळा न्यायालयासमोर उपस्थित राहिले नाहीत. त्यानंतर न्यायालयाने पंधरा हजार रुपयांच्या वैयक्तिक जातमुचलक्‍यावर संभाजी भिडे यांना जामीन मंजूर केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
