सांगली | सांगली महापालिकेच्या निवडणुक प्रचाराला सुरुवात झाली आहे. निवडणुकीच्या रणधुमाळीत एक अजब जाहिरात सांगलीकरांचे लक्ष वेधून घेत आहे. प्रचारात विविध रंग भरण्यासाठी सगळे पक्ष जोमाने तयारीला लागले असून एकमेकांच्या वरचढ ठरण्यासाठी वेगवेगळ्या शक्कल लढवल्या जात आहेत.
सांगलीत हरिपूर रोडवर असलेल्या पाटणे प्लॉट येथील एका बोर्डवर सगळ्याचे लक्ष वेधले जात आहे. याचे कारण म्हणजे या बोर्ड असलेला मजकूर. या बोर्डवर जे लिहिले आहे ते बघून तुम्हाला देखील धक्का बसेल. बोर्डवर ‘आत्ताच सावकार व्हा’ असे लिहिले आहे. तसेच ‘प्रचाराला मुले भाड्याने मिळतील असे या बोर्डवर लिहिण्यात आले आहे याशिवाय संपर्कासाठी मोबाईल क्रमांक देखील देण्यात आला आहे. प्रचार हा कार्यकर्त्यांशिवाय पूर्ण होऊच शकत नाही.पाठीशी कार्यकर्ते असल्यावर प्रचार करताना वेगळी छाप पडते. म्हणून या काळात आमिष दाखवून लोकांना आकर्षित केले जाते.
सांगलीत सध्या हा बोर्ड सगळ्यांच्या चर्चेचा विषय बनला आहे. सोशल मिडीयावर ह्या बातमीने चांगलाच जोर धरला आहे. निवडणुका आल्या की अनेक चर्चांना उधान येते, कार्यकर्त्यांसाठी चहापानाचा कार्यक्रम असो किंवा अन्य काही मागण्या असो, कार्यकर्त्यांना चांगलीच मागणी आहे असे म्हणल्यास वावगे ठरणार नाही.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
