नवी दिल्ली | चीन आता म्यानमारमध्ये मोठे बंदर उंभरणार आहे. बंगालच्या उपसागराजवळ हे बंदर उभारले जाणार आहे. चीन त्यांच्या वन बेल्ट वन रोड या प्रकल्पाअंतर्गत म्यानमारमधील क्याकप्यू शहराजवळ खोल समुद्रात बंदर उभारणार आहे. चीनकडून म्यानमारमध्ये उभारण्यात येणाऱ्या या प्रकल्पात चीनने ७० टक्के आणि म्यानमारने ३० टक्के गुंतवणूक केल्याची माहिती मिळत आहे.

भारताच्या शेजारील देशांमध्ये चीनकडून वाढणाऱ्या गुंतवणुकीमुळे भारताच्या अडचणीत वाढ होण्याची शक्यता आहे. याआधी चीनने पाकिस्तानमध्ये ग्वादर बंदर उभारले आहे. तर श्रीलंकेचे महत्वाचे असे हंबनटोटा बंदर ९९ वर्षाच्या लीजवर चीनकडेच आहे. बांगलादेशमधील चितगाव बंदरचा देखील चीनने विकास केला आहे. आता चीनने म्यानमारमध्ये एक मोठे बंदर उभारणार आहे.