औरंगाबाद | मराठा आरक्षणाचा अध्यादेश न निघाल्यास राजीनामा देण्याची घोषणा करणारे शिवसेना आमदार हर्षवर्धन जाधव यांनी आज दुपारी आपल्या आमदारकीचा राजीनामा दिला आहे. औरंगाबादमधील कन्नड मतदार संघाचे प्रतिनिधित्व करणाऱ्या हर्षवर्धन जाधव यांनी विधानसभाध्यक्षांकडे ई मेलद्वारे राजीनामा पाठवला आहे.
मराठवाड्यामध्ये मराठा आरक्षण आंदोलन तीव्र झाल्यानंतर कन्नड मतदारसंघातील शिवसेना आमदार हर्षवर्धन जाधव यांनी सरकारला अल्टिमेटम दिले होते. बुधवारी संध्याकाळी चार वाजेपर्यंत मराठा आरक्षणासंदर्भात अध्यादेश न निघाल्यास आपण आमदारकीचा राजीनामा देऊ अशी घोषणा आमदार हर्षवर्धन जाधव यांनी केली होती. अखेर ही मुदत उलटून गेल्यानंतर त्यांनी आपला शब्द पाळत आमदारकीचा राजीनामा दिला आहे.
त्यामुळे राजकारणात पहिल्यांदाच एखाद्या आमदाराने आपला शब्द पाळल्याचे पहायला मिळत आहे. मराठा आरक्षणाबाबत कोणत्याही राजकारण्याने पुढाकार न घेतल्यामुळे अद्याप हे आरक्षण मिळू शकलेले नाही. त्यातच एका शिवसेना आमदाराने राजीनामा देणे हि अत्यंत महत्वाची बाब आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
