नवी दिल्ली ।“सुखबीर सिंग बादल यांना विचारांची बद्धकोष्ठता झाली असेल तर त्यात माझी काहीही चूक नाही”, अशा शब्दात त्यांनी सुखबीर सिंग बादल यांच्यावर घाव केला आहे. “नवज्योतसिंग सिद्धू यांचे आयएसआय आणि पाकिस्तानशी जवळचे संबंध आहे,” असा खळबळजनक आरोप पंजाबचे माजी उपमुख्यमंत्री सुखबीर सिंग बादल यांनी केला होता. त्यामुळे, सुखबीर सिंग बादल यांच्या आरोपांना आता नवज्योतसिंग सिद्धू यांनी जोरदार प्रत्युत्तर दिले आहे.
नवज्योतसिंग सिद्धू यांचे पाकिस्तानसोबत जवळचे संबंध आहेत असे सांगणाऱ्या सुखबीर यांनी सिद्धू यांच्या कॉल रेकॉर्ड्सच्या चौकशीची देखील मागणी केली होती. याआधीही केंद्रीय मंत्री हरसिमरत कौर बादल यांनी नवज्योतसिंग सिद्धू हे पाकिस्तानचे एजंट असल्याचे म्हटले होते. त्याचप्रमाणे राहुल गांधी सिद्धूवर कारवाई करणार का?, असा प्रश्नही हरसिमरत कौर यांनी उपस्थित केला होता.
पाकिस्तानचे पंतप्रधान इमरान खान यांच्या शपथविधी सोहळ्याला नवज्योतसिंग सिद्धू यांनी लावलेली उपस्थिती आणि पाकिस्तानच्या लष्कर प्रमुखांशी सिद्धू यांनी घेतलेली भेट यामुळे संपूर्ण देशभरातून त्यांच्यावर टीकेची झोड उठली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
