बीड | ग्रामविकासमंत्री पंकजा मुंडे यांनी यंदा सावरगाव येथे दसरा मेळाव्याचे आयोजन केले आहे. या मेळ्याला उपस्थित जनतेला संबोधित करताना ऊसतोड कामगार महामंडळांची घोषणा मुंडेंनी केली. मुख्यमंत्र्यांनी सांगितल्याप्रमाणे उद्याचा दिवस मावळेपर्यंत ऊसतोड कामगार महामंडळाची घोषणा होईल, हे वचन मी तुम्हाला देते, तुम्ही बघाच असे पंकजा मुंडे यांनी उपस्थितांना म्हटले आहे.
यावेळी बोलताना पंकजा मुंडे म्हणाल्या, प्रवचन देणे हे माझे काम नाही तर माझ्या माध्यमातून लोकांचा विकास करणे हे माझे काम असल्याचे त्या यावेळी बोलताना म्हणाल्या. मला माझ्या माय माऊलीच्या डोक्यावरचा घडा खाली उतरवायचा आहे. उद्या पंतप्रधान मोदींच्या हस्ते घरकुल योजनेअंतर्गत अडीच लाख घरे देण्यात येणार आहेत. सरकार कधीही सामान्य जनतेकडे पाठ फिरविणार नाही. असे म्हणत पंकजा मुंडेनी सर्वांचे लक्ष वेधून घेतले.
दरम्यान, मी काम करते तर तुमच्या पोटात का दुखते असे म्हणत पंकजा मुंडे यांनी धनंजय मुंडे यांना टोला लगावला. महाराष्ट्रात २०१९ ला भाजपचं विजयाची घंटा वाजविणार असा विश्वास यावेळी पंकजा मुंडे यांनी व्यक्त केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
