मुंबई | खरा धक्का तर निकालाच्या दिवशी असतो असे वक्तव्य विधान परिषद विरोधी पक्षनेते धनंजय मुंडे यांनी रमेश कराड यांनी घेतलेल्या माघारी संदर्भात प्रतिक्रिया देताना म्हटले आहे. त्याच बरोबर हि निवडणूक आमच्यासाठी प्रतिष्ठेची आहे आम्ही ती जिंकूच असा विश्वासही त्यांनी यावेळी व्यक्त केला.
बीड-लातूर-उस्मानाबाद स्थानिक स्वराज्य संस्था निवडणुकीत राष्ट्रवादी कॉंग्रेसने अशोक जगदाळे यांना पाठिंबा देण्याचा निर्णय घेतल्याचेही त्यांनी यावेळी जाहीर केले.
या संदर्भात सोमवारी विधानभवनात माध्यम प्रतिनिधींशी बोलताना मुंडे म्हणाले, रमेश कराडांना आम्ही पक्षात घेऊन असे काय झाले की त्यांनी माघार घेतली ? या प्रश्नाचे उत्तर फक्त तेच देऊ शकतील. सध्या आमच्या दृष्टीने निवडणूक जिंकणे महत्वाचे आहे. ती आम्ही जिंकूच परंतु या संदर्भात मी तुर्तास काही बोलणार नाही खरा धक्का निकालाच्या दिवशी लागेल असेही ते यावेळी बोलताना म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
