नवी दिल्ली | छत्तीसगढमध्ये विधानसभा निवडणुकीच्या दुसऱ्या टप्प्यातील मतदानाला आज (२० नोव्हेंबर)ला सकाळी ८ वाजल्यापासून सुरुवात झाली आहे. दुसऱ्या टप्प्याच्या निवडणुकांतील ७२ जागांवर एकूण १ हजार ७९ उमेदवार रिंगणात आहेत. यामध्ये ११९ महिला उमेदवारांचाही समावेश आहे. राज्यातील रायपूरनगर दक्षिण विधानसभा मतदारसंघात सर्वाधिक ४६ उमेदवार आणि बिंद्रानवागढमध्ये सर्वाधिक कमी ६ उमेदवार निवडणुकीच्या रिंगणात आहेत.
Chhattisgarh: Mock polling being conducted at a polling station in Surguja's Ambikapur. Voting for the second phase of #ChhattisgarhElections2018 will begin at 8 am today. 72 constituencies spread across 19 districts are undergoing polling today. pic.twitter.com/UuBjhXawAx
— ANI (@ANI) November 20, 2018
एकूण १९ जिल्ह्यांमध्ये हे मतदारसंघ असून, मतदानाच्या काळात गडबड होऊ नये, यासाठी सर्वत्र कडेकोट बंदोबस्त ठेवण्यात आला आहे. त्यासाठी एक लाखांहून अधिक पोलीस व राखीव पोलीस तिथे आणण्यात आले आहेत. गरियाबंद, धमतरी, महासमुंद, कबीरधाम, जसपूर आणि बलरामपूर या भागांत नक्षलवाद्यांचा हल्ला होण्याची शक्यता वर्तविण्यात आल्यामुळे या जिल्ह्यांमध्ये कडक बंदोबस्त ठेवण्यात आला आहे. पहिल्या टप्प्यात येथे १८ जागांसाठी मतदान झाले होते. छत्तीसगढमध्ये पहिल्या टप्प्यात १० विधानसभा मतदारसंघांमध्ये मतदान संपले आहे. मतदानाला सकाळी ८ वाजल्यापासून ते सायंकाळी ५ वाजेपर्यंत एकूण ७० टक्के मतदान झाल्याचे निवडणूक आयोगाने सांगितले आहे.
