मुंबई | पालघर लोकसभा पोट निवडणुकीत शिवसेनेचे उमेदवार श्रीनिवास वनगा यांचा पराभव झाला. परंतु पालघर मधील सेनेचा पराभव नसून हा तर भाजपचा पराभव असल्याचे दावा शिवसेना पक्ष प्रमुख उद्धव ठाकरे यांनी केला. पालघरमधील पोटनिवडणुकीचा निकाल लागल्यानंतर अवघ्या काही वेळेतच शिवसेना भवनात पत्रकार परिषद घेऊन उद्धव ठाकरेंनी भाजपवर ताशेरे ओडले.
चिंतामण वणगा यांच्या कुंटुबियांना न्याय मिळवण्यासाठी सेनेने पालघर निवडणूक लढवली असल्याचे ठाकरेंनी यावेळी सांगितले. तसेच शिवसेना आगामी निवडणुकीत युती करणार नसून स्वळावर सर्व निवडणुका लढवणार असल्याचे उद्धव ठाकरेंनी सांगितले. साम-दाम-दंड-भेट या कुट नीतीचा अवलंब करुन अखेर भाजपला पालघर लोकसभा पोट निवडणुकीत विजयी मिळाला.
शिवाजी महाराजांचा अपमान
उत्तर प्रदेशातील फुणपूर आणि गोरखपूर येथे झालेल्या पोट निवडणुकीत मुख्यमंत्री योगी यांचा पराभव झाला होता. परंतु भाजपने पालघरमधील निवडणुकीच्या प्रचारासाठी योगींना बोलवले. योगीनी महाराष्ट्रात येऊन शिवाजी महराज यांचा अपमान केला तरी देखील फडणवीस सरकारला या बदल काहीच वाटले नाही, अशा शब्दात उद्धव ठाकरेंनी योगींवर टीका केली.
निवडणूक आयोग बुजगावणं
पालघर पोटनिवडणुकीत मतदानाच्या वेळी अनेक मतदान केंद्रातील ईव्हीम मशीन बंद पडल्यामुळे गोंधळाचे वातावरण निर्माण झाले होते. पालघर निवडणुकीच्या वेळी भाजपने त्यांच्या उमेदवार जिंकण्यासाठी पैसे वाट केल्याचा प्रकार केला होता. हा सर्व प्रकार सेनेने उघडकीस आणून पैसे वाटप करणाऱ्या लोकांना पोलिसांच्या हवाले केले होते. पण, पैसे वाटप करणाऱ्यांवर लोकांवर अद्याप कोणतीही कारवाई झाली नसल्याचा आरोप ठाकरेंनी निवडणुक आयोगावर केली.
तसेच मुख्य निवडणूक आयोगाच्या पदासाठी निवडणूक व्हावी, निवडणूक आयोगावर नियंत्रण राहिलेले नाही तसेच निवडणुक आयोग हे फक्त दगडासारखे आहे. निवडणूक आयोग हे भ्रष्ट्राचारी असल्यामुळे सर्व विरोधी पक्षांनी एकत्र येऊन निवडणुक आयोगा विरोधात कठोर निर्णय घेणे गरजचे असल्याचे उद्धव ठाकरे म्हणालेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
