तिहेरी तलाकच्या नव्या विधेयकावर आज लोकसभेत चर्चा

नवी दिल्ली | मुस्लिम महिलांसाठी अन्यायकारक असलेल्या तिहेरी तलाकला फौजदारी गुन्हा ठरविण्याची तरतूद असलेल्या विधेयकावर गुरुवारी (२७ डिसेंबर) लोकसभेमध्ये चर्चा होणार आहे. या तिहेरी तलाकच्या विधेयकाच्या चर्चेसाठी भाजप आणि काँग्रेस या दोन्ही पक्षांनी त्यांचा खासदारांना सभागृहात सहभागी होण्यासाठी व्हिप जारी करण्यात आली आहे. तिहेरी तलाक विधेयकावर चर्चा सुरू असताना विरोधकांनी गदारोळ माजवू नये असे आवाहन संसदीय कामकाजमंत्री नरेंद्रसिंह तोमर यांनी केले आहे. लोकसभेत हे विधेयक मंजूर झाल्यानंतर पुढील आठवड्यात राज्यसभेत मांडण्यात येणार आहे.

Congress issues whip to its Lok Sabha MPs to be present in the House today: Sources pic.twitter.com/NS9LoS3v6D

— ANI (@ANI) December 27, 2018

तिहेरी तलाक विधेयक लोकसभेत दुसऱ्यांदा सादर होणार आहे. कारण तिहेरी तलाक विधेयक मागच्या वेळी राज्यसभेत पास होऊ शकल नाही. त्यामुळे तो अध्यादेश रद्दबातल ठरला. तिहेरी तलाक विधेयक साधक-बाधक चर्चेसाठी सिलेक्ट कमिटीकडे पाठवावे अशी काँग्रेसची मागणी आहे. तिहेरी तलाकसंदर्भातील नवे विधेयक लोकसभेत १७ डिसेंबर रोजी मांडण्यात आले. या नवीन विधेयकात सरकारने काही बदल केले आहेत. त्यातील तरतुदींनुसार आरोपी पतीस तीन वर्षांपर्यंत कैद होऊ शकते.

संसदेचे हिवाळी अधिवेशन सुरू झाल्यापासून राफेल डील प्रकरणी संयुक्‍त संसदीय समितीची (जेपीसी) मागणी करत, तर टीडीपी सदस्यांनी आंध्र प्रदेशला विशेष राज्याचा दर्जा देण्याची मागणी करत गोंधळ घातला. या गदारोळामुळे सभागृहांचे कामकाज तहकूब करण्याची वेळ वारंवार आली होती.

देशात जानेवारी २०१७ ते सप्टेंबर २०१८ या कालावधीत तिहेरी तलाक घेतल्याचे ४३० प्रकार निदर्शनास आले आहेत. त्यातील २२९ घटना सर्वोच्च न्यायालयाने तिहेरी तलाकसंदर्भात निकाल देण्याआधी नोंदल्या गेल्या, तर बाकीच्या २०१ घटना त्यानंतर उजेडात आल्या. यानंतर ऑगस्ट २०१७ मध्ये सर्वोच्च न्यायालयाने १४०० वर्षापासून सुरू असलेली प्रथा बंद करण्याचा ऐतिहासिक निर्णय घेतला होता. सरकारने २०१७मध्ये लोकसभेत तिहेरी तलाकचे विधेयक मांडले होते. परंतु या विधेयकात काही तुटी असल्यामुळे हे पुन्हा नव्याने हे विधायक मांडण्यात सांगितले.