अपर्णा गोतपागर | गेल्या काही दिवसांपासून संपुर्ण राज्यभरात आरक्षणाच्या मुद्यांवरुन मराठे आक्रमक झाले आहेत. औरंगाबाद मधील आरक्षणासाठी सुरू असलेले आत्महत्या सत्र थांबता थांबेना. चाकणमध्ये मराठा आरक्षणाच्या मागणीला हिंसक वळण लागले होते. हे आंदोलन इतके हिंसक होते. की, चाकणमध्ये जमाव बंदी लागू करावी लागली.

मराठा आंदोलकांपैकी काहींनी आत्महत्या केल्यामुळे बुधवारी मराठा क्रांती मोर्चाकडून जेल भरो आंदोलनाची हाक देण्यात आली होती. महाराष्ट्रात काही ठिकाणी या आंदोलनाला विषेश प्रतिसाद मिळाला तर काही ठिकाणी अल्प प्रतिसाद मिळाला. ज्या आझाद मैदानात लाखोंच्या संख्येने मराठे मुक मोर्चाला जमले होते तिथे केवळ २५ मराठा आंदोलक जेल भरो आंदोलना दरम्यान पहायला मिळाले.

कडेकोट पोलीस बंदोबस्त

मुंबईतील आझाद मैदानात आज जेल भरो होणार आहे. या पार्श्वभुमीवर मैदानात कडकोट बंदोबस्त करण्यात आला. यासाठी पोलिसांची मोठी तुकडी आणि रैपिट कंट्रोस फोर्स(RCP) आंदोलकांना रोखण्यासाठी बोलविण्यात आली होती.तसेच आंदोलकांना पागविण्यासाठी पाण्यांच्या टॅकर दाखल झाले होते.जेल भरो सकाळी ११ वाजता या आंदोलनाला सुरुवात होणार होती. परंतु १२ वाजेर्यंत एक ही आंदोलक मैदानात दाखल झाला नाही. दुपारी १२नंतर २५ ते ३० जणांची मराठा आंदोलक आझाद मैदानात दाखल झाले.

सरकारविरोधी घोषणाबाजी

हे आंदोलक मैदानात दाखल झाले. हे सर्व जण एक मराठा लाख मराठा, सरकार आमच्या हक्काचे नाही कोणाच्या बापाचे, छत्रपती शिवाजी महाराज की जय, जय जिजाऊ, कोण बोलते देणार घेतल्याशिवाय राहत नाही, या सरकारचे करायचे काय खाली डोकेवर पाय,

मुख्यमंत्र्यांनी राजीनामा देण्याची मागणी

“मुंबईत हे पहिले मराठ्यांचे जेल भरो आंदोलन आहे. मुख्यमंत्र्यांनी राजीनामा द्यावा मराठा तरुणांवर जे गुन्हे दाखल करण्यात आले आहेत. सरकारने ते तात्काळ मागे घ्यावे, ज्या तरुणी आरक्षणासाठी आत्महत्या केली. त्यांना सरकारने ५० लाख रुपये तर, जखमींना १० लाख रुपयाची मदत देण्यात यावी. तसेच महाराष्ट्रातील प्रत्येक जिल्हा मराठा आंदोलक जेलभरो आंदोलन करणार असल्याचे सकल मराठा क्रांती मोर्चाचे समन्वयक केदार सुर्यवांशी यांनी एच. डब्ल्युशी बोलताना सांगितले.”