मुंबई | कोकण विधानपरिषदे राष्ट्रवादी काँग्रेसचे उमेदवार अनिकेत तटकरे याला खासदार नारायण राणे यांनी पाठिंबा देण्याचा निर्णय घेतला आहे. भाजपने राणे यांना कोकणात महाराष्ट्र स्वाभिमान पक्षाचा उमेदवार उभा करावा हा प्रस्ताव देऊन ही त्यांनी त्यांच्या पक्षातील उमेदवार उभा केला नाही. थोड्याच वेळात नारायण राणे यासंदर्भात अधिकृतपणे घोषणा करणार आहे.
राणे यांनी कोकणात महाराष्ट्र स्वाभिमान पक्षाच्या कार्यकर्त्यांची तातडीने बैठक बोलावली आहे. अनिकेत तटकरे यांना पाठिंबा देण्याचा निर्णय घेतल्यामुळे शिवसेनेच्या अडचणीत वाढ होणार आहे. शिवसेनेने कोकणातून राजीव साबळे यांना उमेदवारी दिली आहे. या विधान परिषदेच्या निवडणुकीत राजीव साबळे विरुद्ध अनिकेत तटकरे लढत नसून शिवसेना विरुद्ध राणे अशी चुरशीची लढत पाहयला मिळणार आहे. विधान परिषदेच्या निवडणुकीत कोण विजयी होणार याकडे संपूर्ण महाराष्ट्राचे लक्ष लागले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
