मुंबई | घरपोच दारु नको, दुष्काळग्रस्तांना घरपोच मदत पोहोचवा, असा टोला शिवसेना पक्ष प्रमुख उद्धव ठाकरे यांनी सरकारला लावला आहे. ऑनलाईन मद्यविक्रीला परवानगी देऊन, दारुच्या होम डिलिव्हरीला ग्रीन सिग्नल देणाऱ्या राज्य सरकारवर घणाघाती हल्ला करणारे पत्रक ठाकऱ्यांनी काढले आहे.
या पत्रकात उद्धव ठाकरे म्हणाले की, “घरपोच ऑनलाईन दारु पोहोचवण्याचा प्रकार हास्यास्पद आणि धक्कादायक आहे. घरपोच दारुच्या बाटल्या पोहोचवण्यापेक्षा महाराष्ट्रातील दुष्काळग्रस्तांना तातडीने घरपोच मदत पोहोचवा.”
तसेच ऑनलाईन दारु देणे ही आपल्या संस्कृतील अशोभनीय आहे. परंतु राज्याची ‘शोभा’ करण्याचे प्रकार रोजच सुरू असल्याचे उद्धव ठाकरे म्हणाले. मराठवाड्यातील दुष्काळी परिस्थिती भयानक आहे. मंत्री फिरत आहेत. त्यांचे अहवाल येतील, तेव्हा येतील. केंद्राकडे मदतीसाठी याचना होतील. दुष्काळाग्रस्तांना पुन्हा रांगेत उभे करून मारू नका. त्यांना घरपोच दारू नकोय तर मदत हवीय, शब्दात ठाकरेंनी निशाणा साधला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
