मुंबई : भाजपाला रामराम करत शिवसेनेत प्रवेश केलेले दिवंगत खासदार चिंतामण वनगा यांचे पुत्र श्रीनिवास वनगा यांना शिवसेनेकडून लोकसभा पोटनिवडणुकीत उमेदवारी मिळणार की नाही या बाबत अद्याप शिकामोर्तब झालेले नाही. श्रीनिवास वनगा लवकरच उमेदवारी अर्ज दाखल करतील अशी चर्चा आहे. परंतु शिवसेनेने मात्र अद्याप कोणतीही ठोस भूमिका न घेतल्यामुळे वनगांना उमेदवारी मिळणार का असा संभ्रम निर्माण झाला आहे.
पालघर पोटनिवडणुकीसंदर्भात ‘मातोश्री’वर चर्चा सुरु होती. प्रत्येक पदाधिकारी, आमदार आणि खासदाराला पोटनिवडणुकीची विभागवार जबाबदारी देण्यात आली. परंतु या बैठकीनंतरही शिवसेनेने श्रीनिवास वनगांच्या उमेदवारीबाबत अधिकृत घोषणा केली नाही. वनगांचे पुत्र श्रीनिवास यांना उमेदवारी देण्यात यावी अशी मागणी पालघरमधील शिवसैनिकांनी केली आहे. शिवसेनेकडून श्रीनिवास यांना उमेदवारी दिल्यास आम्ही त्यांना निवडून आणू असा विश्वासही शिवसैनिकांनी वरिष्ठांना दिला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
