नवी दिल्ली | लोकसभा निवडणुकांचा अंतिम टप्पा पार पडल्यानंतर रविवारी (१९ मे) संध्याकाळी विविध वृत्तवाहिन्यांनी आणि वृत्तसंस्थांनी जाहीर केलेल्या एक्झिट पोल्सनुसार यंदाच्या लोकसभा निवडणुकांमध्येही एनडीएला बहुमत मिळणार असल्याची शक्यता वर्तविण्यात आली.”विधानसभा निवडणुकीच्या वेळी देखील अनेक एक्झिट पोलमार्फत काँग्रेसचा पराभव होईल असा अंदाज वर्तविण्यात आला होता. मात्र, विधानसभा निवडणुकीचा निर्णय काय आला ते सर्वांनी पाहिले आहे”, असे विधान मध्य प्रदेशचे मुख्यमंत्री कमलनाथ यांनी केले आहे.
हमने सारे #ExitPolls 2004 में भी देखे थे,2018 के पाँच राज्यों के चुनाव के समय भी देखे थे,सब कांग्रेस की हार दिखा रहे थे,पर परिणाम सभी ने देखे..
23 मई का इंतजार करिये,सारी हक़ीकत सामने आ जाएगी।
कांग्रेस की सीटें निश्चित ही बढ़ेगी,भाजपा के नारों-जुमलों की हक़ीकत भी सामने आयेगी।— Kamal Nath (@OfficeOfKNath) May 19, 2019
“लोकसभेचा प्रत्यक्ष निकालात काँग्रेसच्या जागा वाढलेल्या दिसतील आणि भाजपची जुमलेबाजी लोकांसमोर येईल”, असा दावा देखील कमलनाथ यांनी केला आहे. “२०१८ मध्ये पार पडलेल्या पाच राज्यांच्या विधानसभा निवडणुकीदरम्यान देखील अनेक एक्झिट पोलमार्फत काँग्रेसचा पराभव होईल, असाच अंदाज वर्तविण्यात आला होता. मात्र, प्रत्यक्षात काय घडले, निवडणुकांचा निकाल काय लागला हे आपण सर्वचजण जाणतो. लोकसभेच्या निकालांची २३ मे पर्यंत वाट पहा. तेव्हाच खरी स्थिती समोर येईल”, असे कमलनाथ यांनी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
